Italioans: verschil tussen versies

'''Italioans''' (''Italiano'') is e [[Romoansche toale]] da ze spreekn in [[Italië]], in verschillnde dialectn. 't Modern Italioans is afkomstig van 't Florenteyns, êen van die dialectn. Over de gêleg'hêle weireld zyn der plusminus 65 miljoen menschn die Italioans klappn, woarvan dat er e goe 57 miljoen in Italië weunn. Ook in [[Zwitserland]], [[San Marino]] en [[Vaticoanstad]] is Italioans en officiële toale.

D' oudste Italioanse tekstn stammn of vanuut de 10e êeuw. Der zyn wel veel mêer tekstn uut de 14de êeuw bewoard gebleevn. De beroemdste dingn dan ze van tonne en gevondn zyn de gedichtn van Dante Alighieri, ma wok dedee vn Francesco Petrarca en Giovanni Boccaccio. Die gastn kunn we zien als de groundleggers vnvan d' Italioanse literateure.

't Zyn veel dialectn in 't Italioans, ma 't rare is dan die dialectn nie allemoale afkomstig zyn van 't standaarditalioans. 't Standaarditalioans is namelyk zelve gebaseerd up e dialect da ze roend de 14de êeuw in [[Toscane]] spraakn. Vele oude poëetn schreevn under gedichtn in dat oude dialect. De mêeste dialecten zyn afgeleid van 't Vulgaire [[Latyn]] ('t Latyn dan de menschn vroegr spraakn up strate) en bestondn al lange vôordat er geschreevn versies van werdn gevondn.