Itoalië: verschil tussen versies

'''Itoalië''' es een land in Europa. Itoalië ligt in 't zuudn van Europa, an de [[Middellansche Zêe]]. Itoalië es bekend voo zyn karakteristieke vorm, noamelik een botte. Der weunen a-peu pres 59.000.000 minsn in Itoalië. [[Rome (stad)|Rome]] es den ôofdstad en eit a-peu pres 4.000.000 inweuners. Neffest d'ôofdstad es 't ôok de plekke woa da [[VaticaanstadVaticoanstad]] ligt, d'ôofdzetel van et [[Catholicisme]] en verbluufsplekke van de [[Paus]]. Andere grôte steedn zyn

Doarnoast zyn der nog steedn die over de hêle weireld gekend zyn voo verschillende redenn: [[Venetië]], de stad ip het woater, [[Pisa]], me zyne scheve torre, [[Verona]], stad van [[Romeo en Julia]], [[Firenze]], kunststad en ôofdstad van et toeristisch sterk gewaardeerde [[Toscane]].

* Rome wos gekend als weireldmacht in de oudeid: va 500 voo [[Jezus van Nazareth|Christus]] to 500 na Christus wos et de mêest invloedryke beschoavienge en oat et de rolle overgenoomn van de [[Grieknland|Griekn]]. In dien tyde veroverden de [[Romeinn]] bykan hêel Europa, en stikkn van [[Afrika]] en [[Azië]]. Volgens de [[legende]] es [[Stichtienge van Rome|Rome gesticht]] deur Romulus en Remus in 753 voo Christus. De bekendste Romeinse overheerser wos [[Julius Caesar]] en 't wos ounder zyn Consulschap da oens streke veroverd weird. 't Es ôok in die periode da Rome als ôofdstad van 't Christendom gevestigd weird. In Rome zyn der nog veel overbluufselen van die periode zichtboar, gelik het [[Forum]] en et [[Colosseum]]. Ut dien tyde komt de uutdrukkienge 'Olle weegn lien noa Rome'.

* In de [[Middelêeuwn]] oat Itoalië vôorol invloed ip cultureel en economisch ipzicht. Belangryke kunststrômiengn, gelik de [[Renaissance]], zyn ountstoan en gevoed deur Itoalië. In dien tyde woarn steedn de belangrykste economische factors: in Itoalië woaren [[Genua]], Pisa, [[Amalfi]] en Venetië weireldmachten.

* Itoalië wos ounder [[Benito Mussolini]] êen van de trowstetrouwste volgelingn van [[Nazi]]regimeNaziregime va [[Adolf Hitler]] en eit mee de [[Twiddn Weireldôorloge]] gevochten an de zyde van de [[Duutsland|Duutschers]].

't Land vormt ne republiek, met an 't ôofd President [[Giorgio Napolitano]], die voerol e ceremoniële rolle et. 't land es ipgebouwd in een voo [[Europa]] klassieke structuur me [[3 (getal)|drie]] machtn: de wetgevende macht (de koamer en de senoat), den uutvoerende (de regerienge) en de juridische macht ('t gerecht en olles die dermei tope angt).

Itoalië es gekend voo zyn tumultueus polletiek klimoat. Achter de verkieziengn van 2006 kwam [[Romano Prodi]] êeste minister, achter e bittere verkiezingsstryd tusschn zyn centrum-linkse L'Ulivo en de rekse Forza Italia van [[Silvio Berlusconi]], die ol premier was van [[1994]] toet [[1995]] en van [[2001]] toet [[2006]]. In meie 2008 kwam Berlusconi were êeste minister.

Itoalië eit in de geschiedenisse oltyd nen dryvende factor in de Europeese cultuur gewist en dat es tot ip heedn nog oltyd het geval: Itoalië es een ideoal land om historische bezoekn te doen en eit ôok nog invloed ip de huidige culturele weireld: de mode, design (oto's, gebruksvôorwerpn,...). Itoalië eit ôok nen grôten invloed ip de sport, vôorol het [[voetbol]], de [[koerse|vélokoerse]] en de [[otokoerse]] ([[F1Formule 1]]).