Michiel Jacobsen: verschil tussen versies

In [[1588]] bracht em achter 't verlies van de Spoansche [[Armada]] teegn d'[[Ingeland|Ingelsche]] als loods de restantn van de Armada were. In 1590 onderschydde Jacobsen em in de ôorloge van Spanje teegn d'Ingelsche. In 1595 kwamt em were Duunkerke binn'n an bôord van ''de Windhond'' ('t schip van zyn ton ol oovrleedn schôonvoadr [[Cornelis Weus]]) me nen ôop buut afgepakt van d'Ollanders. Ierdeure kreeg em in de [[Republiek der Zeevn Verenigde Provinciën]] de bynoame ''de Vos der Zeeën''. Zyn succes en roem kwam surtout deur zyn goe kennisse van de [[zandbank|zandbankn]] in de [[Nôordzêe]] in dien tyd.

 

 

In 1602 liet keunink [[Filips III van Spanje]] e vlôot equipeern in Duunkerke en iervo benoemde em Jacobsen tot kapiting. In die funksje stound ie in 1606 an't ôofd van en eskoader van tien scheepn. As koapr in dienste van de Spanjoardn koest em vele bôotn van de Republiek veroovern in de contexte van de [[Tachtigjoarign Oorlog]]. In [[1609]] ad ie 't bevel gekreegn oovr en eskoader van elf nieuwe ôorlogbôotn mo 't [[Twoalfjoarig Bestand]] verinderde em van der aksjes mee t'ounderneemn.

 

Michiel Jacobsen wierd in zyn gebôortestad Duunkerke ôok als nen eld geëerd. Nu nog angt er en bêeld van em an 't staduus van Duunkerke.

{{DEFAULTSORT:Jacobsen, Michiel}}

[[Categorie:Duunkerke]]