Byzantyns Ryk: verschil tussen versies

{{streektoale|Noordelik West-Vlams}}

't '''Byzantynsche Ryk''' was in oofdzaake e Griekstoalige vôortzettienge van den ôostelyke êlft van 't [[Romeins Ryk|Romeinsche Ryk]] in de loate Oed'eid en in de [[Middelêeuwn]]. Den oof'stad was [[Konstantinoople]] (nu [[Istanboel]], ôorsprounklik [[Byzantium]] genaamd). Dikkers angeduud lik 't '''Ôost Romeinsche Ryk''', oovreleefde 't in de vuufste êewe de versnipprienge en de vol van 't West Romeinsche Ryk en 't blêef bestoan vô nog duust joar toe an 1453 mê de vol van Konstantinoople deur toedoene van 't [[Ottomoansche Ryk]]. Binst 't grotste dêel van zyn bestoan was 't Ryk de sterkste ekonomiesche, kulturêele en militaire macht in [[Europa]]. Zôwêl "Byzantynsche Ryk" of "Ôost Romeinsche Ryk" zyn naamn die uutgevoun gewist zyn deur geschiednisschryvrs achtre da 't Ryk aa nie mêe bestound; de burgers van 't Ryk blêevn undre land "Romeinsch Ryk" êetn (Grieks : Βασιλεία Ῥωμαίων - ''Basileia Rhōmaiōn''; [[Latyn]] : Imperium Romanum ofte ''Romania'', Ῥωμανία, en undre zeive "Romein'n".