Byzantyns Ryk: verschil tussen versies

't '''Byzantyns Ryk''' was in oofdzaake e Griekstoalige vôortzettienge van den ôostelyke êlft van 't [[Romeins Ryk]] in de loate Oed'eid en in de [[Middelêeuwn]]. Den oof'stad was [[Konstantinoople]] (nu [[Istanboel]], ôorsprounklik [[Byzantium]] genaamd). Dikkers angeduud lik 't '''Ôost-Romeins Ryk''', oovreleefde 't in de vuufste êewe de versnipprienge en de vol van 't [[West-Romeins Ryk]] en 't blêef bestoan vô nog duust joar toe an 1453 mê de vol van Konstantinoople deur toedoene van 't [[Ottomoans Ryk]]. Binst 't grotste dêel van zyn bestoan was 't Ryk de sterkste ekonomiesche, kulturêele en militaire macht in [[Europa]]. Zôwêl "Byzantyns Ryk" of "Ôost -Romeins Ryk" zyn naamn die uutgevoun gewist zyn deur geschiednisschryvrs achtre da 't Ryk aa nie mêe bestound; de burgers van 't Ryk blêevn undre land "Romeins Ryk" êetn (Grieks : Βασιλεία Ῥωμαίων - ''Basileia Rhōmaiōn''; [[Latyn]] : ''Imperium Romanum'' ofte ''Romania'', Ῥωμανία, en undre zeive "Romein'n".

Verschillnde gebeurtnissn van de vierde toe de zesde êewn zêtn undre stemple ip den oovregangstyd ô den ôostlikke êlft ofsplitste van de westlikkn. In 285 verdêelde [[Diocletianus]] (regeerienge 284–305) ip papier 't Romeins Ryk in twêen. Tusschn 324 en 330, brocht [[Konstantyn de Grôote]] (regeerienge 306–337) den oofdstad oovre van [[Rome (stee)|Rome]] noa Byzantium, loatre gekend lik ''Konstantinoople'' (ofte "Stad van Konstantyn") en ''Niew Rome''. Die latste naame schynt den êeste kêe gebruukt te zyn binst 't Êeste Konsielje van Konstantinoople (381), woamee da ze wildn verrechtvoardigen dat de patriarchoale zeetle van Konstantinoople allêene moa vô Rome most oundredoen. Oundre [[Theodosius I]] (regeerienge 379–395), wierd 't [[Christndom|kristndom]] d' offiesjêele stoatgodsdienste en andre lik 't romeins veelgoodndom wierd verboodn. En uuteindlik, oundre de regeerienge van [[Heraclius]] (610–641), wierd 't Ryk militair en bestierlik êrvormd en 't gebruukte Grieks vor offiesjêele zoakn in de platse van latyn.