Ekostelsl: verschil tussen versies
Verwijderde inhoud Toegevoegde inhoud
Geen bewerkingssamenvatting |
Geen bewerkingssamenvatting |
||
Regel 5:
Energie, woatre, stikstof en groendmineroaln zyn andre essentiêele nieleevnde komponentn van 'n ekostelsl. De energie die deur ekostelsls stroomt is ip d' êeste plekke van de [[zunne]] ofkomstig. In 't algemêen komt ze 't systêem binn lanst de [[fotosynthese]], e proces da ook [[koolstoffe]] uut d' [[Atmosfeer (Eirde)|dampkrieng]] aalt. Deur plantn t' eetn en deur mekoar ip t' eetn, speeln bêestn e belangryke rolle in de beweegienge van stoffe en energie deur 't systêem. Ziedre beïnvloedn ook d' oeveeleid van plant- en mikroobe-[[biomassa]] die anweezig is. Deur dôo orgoaniesche stoffe of te breekn maakn de "ofbreekers" koolstoffe vry vo de dampkrieng en vergemakklikn ze de voediengsstofn-kriengloop deur stofn die ipgesloan zyn in de dôo biomassa omme zetn in e vorm die direct kan gebruukt wordn deur plantn en mikroobn <ref name = "Chapin10">Chapin ''et al''. (2002), p. 10</ref>.
Ekostelsls wordn gestierd zowêl deur uutwendige lik deur inwendige faktôorn. Uutwendige faktôorn lik 't [[klimoat]], 't moedregestêente die de groend vormn en topografie, kontroleern de boovnbow van 'n ekostelsl en de maniere woarip de diengn werkn drin, moa zyn zeive nie beïnvloed deur 't ekostelsl <ref name = "Chapin11">Chapin ''et al''. (2002), pp. 11–13</ref>. Andre eksterne faktôorn zyn tyd en meuglikke [[biota]] ('t gehêel van ol de leevnde weezns). Ekostelsls zyn dynoamiesche êeneedn - oenveranderlik, ze wordn blôotgesteld an periodieke verstôoriengn en zyn altyd bizzig mê 't êrstelln van e poar vroegre verstôoriengn <ref name = "Chapin281"> Chapin et al. (2002), pp. 281–304 </ref>. Ekostelsls in glykoardige omgeeviengn in verscillnde dêeln van d' eirde kunn hêel verschillnde kenmerkn ên simple omdan ze verschillnde sôortn ên <ref name = "Chapin11"/>. 't Invoern van vrimde sôortn (ekzootn) ka beslissnde verschuuviengn teweege bringn in de werkienge van 'n ekostelsl.
==Verwyziengn==
| |||