Hoofdmenu openen

Wijzigingen

587 bytes toegevoegd ,  4 jaar geleden
geen bewerkingssamenvatting
 
Petrarca zyn antwôorde was e hêele droaj te moakn van de nateure buutn no de "ziele" vanbinn : '''k Dejn 't boek toe, kwoad ip mn eign da 'k nog eirdsche diengn bewoendrde, ikke die aa lange a kun weetn, zeifs van hejdnsche filozoofn, datr nietnt zo woendreboar is lik de ziele, die zeive grôot, nieks grôot kan vienn buutn eur zeive. Tonne, echt, was'k ik voldoan mê tgêen 'k adn gezien van de berg; 'k richte mmyn inwendig ooge ip mezeivn, en van die tyd of kwam dr gin wôord mir oovre myn lippn toe da we beneen woarn... Wiedre kykn roend vo wat datr allêene mo vanbinn is...Oeveele kêern, peisje gy, zoe'k ik die dag omgekeekn ên, no de top van die berg die mor 'n êlle ooge was vergleekn mê den oemvank van de menschlikke gêest...<ref name=AMV/>''.
[[Ofbeeldienge:Arquà Petrarca Punto di vista di un'aquila.jpg|thumb|Petrarca 's uus in Arquà by Padua.]]
 
James Hillman is van mêenienge dat d' eroendekkienge van den innerlikke weirld d' echte betêeknisse is van de debeurtnisse <ref name=RP> Hillman, James 1977 : Revisioning Psychology, Harper & Row, p. 197, isbn=0-06-090563-8 </ref> De Renaissance begunn nie mê de beklemmienge van Mont Ventoux mo mê de noadien vôgnde ofdoalienge— 't "weerekêern ... no de valleje van de ziele", lik of da Hillman 't schryft.
 
===Loatre joarn===
't Loatre dêel van zyn leevn brocht Petrarca deure in Nôord-Italië lik 'n internasionoale gelêerde en dichtre-diplomoat. Zyn loopboane in de Kerke liet êm nie toe van te trown, mor y zoe toch voadre zyn van twêe kienders van e wuuf of van wuuvn die uus nie bekend zyn. E zeune, Giovanni, wierd geboorn in 1337, en e dochtre, Francesca, in 1343. Y ê ze loatre alle twêe wettig gemakt <ref>Plumb, p. 165</ref>. Giovanni stierf an de peste in 1361. Francesca trowde mê Francescuolo da Brossano (die loatre testament-uutvoerdre vo Petrarca) 't zeifde joar. In 1362, kort achtre de geborte van e dochtre, Eletta (dezeifde noame lik Petrarca zyn moedre), vervoegdn ze Petrarca in [[Venetië]] om de peste 't oentloopn die Europa teisterde in die tyd. E twidde kleinkiend, Francesco, wierd geboorn in 1366, mo 't stierf voa dat twêe joar was. Francesca en eur familje leefdn mê Petrarca in Venetië gedeurnde vuuf joar van 1362 toe 1367 in Palazzo Molina; oewel da Petrarca vôortgienk mê reizn in die joarn. Tusschn 1361 en 1369 kwam de joengere Boccaccio twêe kêern ip bezoek. Den êeste kêe in Venetië, de twidde kêe in Padua.
 
Roend 1368 veruusdn Petrarca en zyn dochtre Francesca (mêt eur famielje) no 't stadje Arquà in d' heuvels van Euganea dichtby [[Padua]], woa datn zyn oovrebluuvnde joarn deurebrocht mê godsdienstige kontemploasje. Y stierf in zyn uus in Arquà ip 19 juli 1374 – êen dag vôo ze zeevntigste verjoardag. 't Uus êrbergt nu e vaste tentôonstellienge van Petrarca zyn werkn en kurioziteitn; oendre andre kuj doa 't graf vienn van Petrarca zyn geliefde katte die geboalsmd was.
 
==E proevertje <ref> In 't Westvlams êrtoald deur e [[Gebruker:Forstbirdo|Busveugle]] </ref> ==
5.459

bewerkingen