Cadel Evans: verschil tussen versies

Verwijderde inhoud Toegevoegde inhoud
Antoine.01 (discuusjeblad | bydroagn)
Antoine.01 (discuusjeblad | bydroagn)
Regel 31:
 
==Route==
In 2002 die Evans mei met 'n [[Giro d'Italia|Giro]] en ne pakte 'n roazn boai in 'n 16sn rit, mo 'n dag derup stoeg 'n stille up 'n latstn klem en ne viel were no de 14ste plekke. E toogde doa wel voun 'n êeste kêe zyn meugelikheedn in e grôte rounde, e won in de joarn die volgdn oek twi kirs de ''Rounde van Ôostnryk''. In 2005 is 'n begunn ryen byn Lotto en doa mucht 'n olles up 'n Tour zettn, en achtste plekke wos zyn uutslag, 't joar derup wos 'n ol 'n vierdn. De 2 joarn derup dei 'n were mei en verlôor 'n twi kirs van e [[Spanje|Spanjoard]]: [[Alberto Contador|Contador]] in 2007 en Carlos Sastre in 2008. In dat êeste joar hoalde 'n oek e vierde plekke in de Vuelta en êreplekkn in de [[Rounde van Lombardeye]] en 't weireldkampioenschap en won 'n weireldbeker, vôorn Davide Rebellin en Contador.
 
2009 moeste 't joar van Evans zyn, mo 't lukte nie in 'n [[Tour de France 2009|Tour]], want doa wos 'n mo 'n 30sn. Da joar wos 'n wel 'n derdn in de Vuelta en won 'n Weireldkampioenschap in Mendrisio in Zwitserland, olhoewel dat 'n eigentlik moeste ryen voun Simon Gerrans. Up 't ende gienk 'n egliek deure en niemand kuste nem werepakkn. E veranderde in de wienter van ploeg, BMC Racing hoalde nem binn voun in 2010 nunder kopman in de grôte roundes te kommn. E kuste die rolle me gedêeltelik upneemn, want in 'n [[Tour de France 2010|Tour]] hoalde 'n e 26ste plekke, wel achter dat 'n evolln hadde en zyn elleboge ebrookn had. In 'n Giro dei 'n wel beter, met e vuufde plekke, e rit, de punteboai en d'Azzurri d'Italiaboai. De Woalschn Pyl zette 'n oek by up zyn lystje.