Denne: verschil tussen versies

'''Denn''' ('''''Abies''''') zyn e [[Geslacht (biologie)|geslacht]] van 48–55 [[Sôorte|sôortn]] van altydgroene [[konifeere]]boomn uut de [[Familie (biologie)|famielje]] ''Pinaceae''. Ze zyn te vienn in e grôot dêel van [[Nôord-Amerika|Nôord]] en Centroal Amerika, [[Europa]], [[Azië|Oazje]], en [[Nôord-Afrika]], mêest in de gebergtn in hêel 't verspreidiengsgebied. Denn zyn sterk verwant an 't geslacht ''Cedrus'' ([[ceedre]]). De zogenoamde doeglasdenn zyn gin echte denn, mo ze ôorn toe an 't geslacht ''Pseudotsuga''. In de volksmoend wordn ook [[pynboom]]n of pynn (''Pinus'') dikkers denn genoamd, mo da schept nateurlik allêene mo verwarrienge.

 

't Zyn grôote boomn die oogtn oaln van 10 toe 80 meetrs en mê stamdeurmeetrs van 0,5 toe 4 meetres o ze vulwassn zyn. Denn kunn oendrescheidn wordn van andre leedn van de pynboomachtign deur 't êenig anangsl van undre noaldachtige bloarn en deur de verschillnde keegls.

 

Vo de verschillnde sôortn t' êrkenn wordtr gekeekn no d' ofmeetienge en de schikkienge van de noaldn, de grôote en de vorm van de keegls, en of de schubn van de schutbloadn van de keegles lank zyn en uutgesnêen, of kort en weggestookn binnen de keegle.

 

{{Commonscat|Abies}}