Pynboomachtign: verschil tussen versies

De '''pynboomachtign''' ('''''Pinaceae''''') zyn e [[Familie (biologie)|famielje]] van boomn of [[Struuke|struukn]], woaroendre veele van de bestbekende [[Konifeere|konifeern]] van kommersjêel belang lik [[Ceedre|ceedrs]], [[Denne|denn]], ''Tsuga'', [[Lorke|lorkn]], [[pynboom]]n, en [[Sparre|sparrn]]. De famielje ôort toe an de [[Orde (biologie)|orde]] van de ''Pinales'', ook gekend lik de ''Coniferales''. Ziedre zyn de grotste bestoande konifeerefamielje vôgns sôortnverscheidneid, mê tusschn 220 en 250 sôortn (ofanklik van de mêenienge van de [[Taxonomie (biologie)|taxonomiestn]]) in 11 [[Geslacht (biologie)|geslachtn]] en de twidde grotste (achtre de cypresachtign) vôgns [[Eirdrykskunde|eirdrykskundige]] verspreidienge. De pynboomachtn wordn gevoendn in 't grotste dêel van 't Nôordlik Oafroend mê 't mêerndêel van de sôortn in gemoatigde klimoatn, mo goande van subarktiesch toe tropiesch. De famielje vormt dikkers den oovrêerschnde komponent van boreoale, kuste- en berg[[bus]]schn. Een sôorte kruuststikt zjuuste den eevenoare oovre in Zuudôost-Oazje. De belangrykste brandpuntn van verscheidneid wordn gevoenn in de bergn van zuudwestlik [[China]], [[Mexico]], centroal [[Japan]], en Kalifornië.

't Zyn boomn, zeldn [[Struuke|struukn]], die van 2 toe 100 meetrs ooge zyn, mêest altydgroene (uutgezoenderd ''Larix'' en ''Pseudolarix'', bladverlieznd), harsig, êenuuzig, mê sub-teegnoovrestoande takkn, of takkn in kransn, en spiroalsgewys geschikte noaldachtige bloarn. De vrowlikke keegles zyn grôot en geweunlik oetachtig, 2-60 cm lank, mê talryke spiroalsgewyze geschikte schubbn, en twêe gevleuglde zoadn ip iedre schubbe. De mannelikke keegles zyn klêene, 5-6 cm lank, en volln zêere of achtre de bestuuvienge; 't stuufmeel wordt deur de wiend verspreid, mo sommigte sôortn ên grôote zoadn die deur [[Veugel|veugls]] roendgestrôojd wordn.