Warmgemoatigde koniefeerebusschn: verschil tussen versies

[[Ofbeeldienge:Biome map 05.svg|thumb|Verspreidienge in de weirld van de warmgemoatigde konifeerebusschn.]]

'''Warmgemoatigde konifeerebusschn''' zyn e [[bioom]] da te vienn is in streekn mê warme zoomrs en koele wientrs en voldoende reegnvol vo 't bus in stand te kunn oedn. In de mêeste warmgemoatigde konifeerebusschn zyn 't altydgroene [[konifeern]] die oovrêersn, terwyl dat er sommigte e mienglienge zyn van konifeern en loofboomn (altydgroene en/of bladverlieznde loofboomn). Warmgemoatigde altydgroene busschn zyn algemêen in de kustgebiedn die milde wienters ên en ooge reegnvol, of in gebiedn voddre van de kuste mê droogre klimoatn of bergstreekn. Konifeerebusschn zyn te vienn in de [[Verênigde Stoaten van Amerika]], [[Canada]], [[Europa]], en [[Azië|Oazje]]. Veele sôortn boomn zyn tuus in die busschn woaroendre [[Ceedre|ceedrs]], [[cypresachtign]], doeglasn, [[Denne|denn]], juniperussn, kauri, [[pynboom]]n, podocarpus, [[Sparre|sparrn]], sekwojas en venynboomn. De oendregruuj bevat ook e brêe gamma van kruudn en [[Struuke|struukn]].

Nor ipbow zyn die busschn iddre simple, in 't algemêen bestoand uut twêe laagn : e boovnverdiep en 'n oendrelaage. Sommigte busschn kunn e tusschnlaage ên van struukn. Pynbusschn ên e kruudachtige oendrelaage die in 't algemêen oovrêerst is deur gras en kruudachtige oovrebluuvnde [[plantn]], en dr gebeurn dikkrs ekologiesch belangryke busbrandn.

 

Warmgemoatigde reegnbusschn komm mo vôorn in zeevn streekn : de Pacifieke warmgemoatigde reegnbusschn van 't Pacifieke Nôordwestn, de Valdiviesche warmgemoatigde reegnbusschn van zuudwestlik [[Zuud-Amerika]], de reegnbusschn van Niew-Zêeland en Tasmanië, Nôordwest Europa (klêene gebiedn in [[Ierland (eiland)|Ierland]], [[Schotland]], [[Wales]], [[Ysland]] en e bitje grotre gebied in [[Noorwegen]], zuudlik [[Japan]], en de streeke an 't Ôostn van de Zwarte Zêe-Kaspiesche Zêe in [[Turkeye]] en Georgië toe noordlik [[Iran]]. De vochtige omstandigeedn van warmgemoatigde reegnbusschn êrbergn in 't algemêen 'n oendrelaage van mossn, voarns, en sommigte struukn. Warmgemoatigde busschn kunn ofwêl warmgemoatigde konifeerebusschn zyn ofwêl [[warmgemoatigde loof- en gemienglde busschn]].

 

{{Commonscat|Temperate coniferous forests}}