Keevrs: verschil tussen versies

509 bytes toegevoegd ,  6 jaar geleden
geen bewerkingssamenvatting
De verscheidneid by de keevrs is hêel grôot. Ze wordn gevoenn in alle belangryke leefgebiedn, uutgezoenderd de [[zêe]] en de poolstreekn. Ziedre ên e grôote verscheidneid an ekoloogiesche effektn; byzoendre sôortn kunn praktiesch iedre type voedsl verwerkn. Sommigte zyn nie-gespesjaliezeerde ofvol-eetrs die oovrebluuvsls van bêestn en [[plantn]] ofbreekn; sommigte voedn undre ip byzoendre sôortn kadoavrs lik vlêes of velln; sommigte leevn van uutwerpsln, sommigte voedn undre mê schimmels, sommigte mê wêlbepoalde plantesôortn, andre mêt e e brêe keuze an plantn. Sommigte zyn zoendr veel oenderscheid eetrs van stuufmeel, blommn of fruut. Sommigte zyn roofinsektn, parazietn of parazietoiedn. Veele van roofinsektn zyn belangryke bestrydrs van ploagn in de landbow. Byvôorbeeld, keevrs uut de famielje van de ''Coccinellidae'' (piempampoentjes) eetn bladluuzn, schildluuzn, dundrbêestjes, en andre insektn die têeltn beschoadign.
 
Omgekêerd zyn keevrs ook e prôoje vo verschillnde oengewervelde en gewervlde bêestn, woaroendre andre insektn, [[visschn]], riptieln, [[Veugel|veugls]] en [[zoogbêestn]]. De keevrs vormn in 't algmêen gin serjeuze ploage, mo dr zyn e poar schoadlikke insektn lik de [[Coloradokevre|Koloradokeevre]] (''Leptinotarsa decemlineata''), de katoensnuutkeevre (''Anthonomus grandis''), de kastanjebruune ryzmeelkeevre (''Tribolium castaneum''), en ''Callosobruchus maculatus''. Ook inbegreepn is de boente knoagkeevre (''Xestobium rufovillosum'') woavan da de larvn serjeuze schoa kunn doen an gebown deur in 't [[Out|oet]] te bôorn.
 
Keevresôortn ên 'n ard uutwendig skelet, in 't byzoendre ip de vôorvleugls. Die dekschildn geevn rechtuut 't verschil mê de mêeste andre insektesôortn, mêt uutzoendrienge van d' ôorworms (''Dermaptera''). De vleugls van de wantsn (''Heteroptera'') ên e klêen bitje e glyknisse, mo ze zyn nie 't zeifste en undre funksje is styf verschillnd.
 
==Eksterne koppliengn==
5.459

bewerkingen