Morini: verschil tussen versies

De '''Morini''' of '''Morienn''' woarn een oud-Belgische stam in den tyd van de [[Romeinn]]. Me weetn vrê winnig van under toale, moar êen van under steedn, [[Boulogne-sur-Mer|Boulogne]], wierd ''Bononia'' genoemd deur den Byzantynsen geschiedkundigen Zosimus en ''Bonen'' in de [[Middelêeuwn]]. De vornoamste Romeinse nederzettienge, den ''Civitas Morinorum'', in die streke was '''Tarwanna''' of '''Tervanna''', tegenwôordig Thérouanne in 't [[Frans]] en Terwaan in 't [[Nederlands]]. "Wanna" is een oude name voar een platselikke rivier, in da gevol de Klêne Leie. Tope met de [[Menapii|Menapiërs]] zyn ze vermeld in [[Julius Caesar]]s ''De Bello Gallico'' (Over den ôorloge in [[Gallië]]).

De stamme zyn noame kom van 't Proto-Indo-Europees wôord ''*mor-i'', wa da [[zêe]] of meer betêkent, en is verwant an 't Vlamse wôord ''moere'' voa [[polders]]. De noame ''Morini'' is verzekers een referentie noa de zoutwoatermoerassn wodan ze weundign.

De Morienn weundign in de kustvlakte die in den tyd nog mêer bespoeld wierd deur de [[Nôordzêe]]. Under verspreidienge komt overêen met 't dêel van [[West-Vloandern]] teegn de kust en [[Frans-Vloandern]] toet an Boulogne.

De Morienn bouwdign under huuzn an de kant van de natte polders up land die gedraineerd was voa te boern, en up een kunstmoatigen heuvel die een ''pol'' of een ''terp'' wordt genoemd. Overbluufsels van zoan ''pols'' kunn nog olsan in 't landschap gezien wordn. Een vôorbêeld doavan is 't nateurreservoat den 'Uitkerkse Polder'.<ref>[http://www.studiokontrastuitkerkse-polder.combe/nr/31_uitkerke.html Uitkerkse Polder]</ref>

Ze woarn succesvulle boern omdat de ground zoa vruchtboar was. Overbluufsels van dykn en Romeinse grachtn zyn gevoundn. Ze voerdn handle met de [[Grôot-Brittannië|Brittn]] in Kent en de Bataviërs in [[Olland]].

Julius Caesar was voarol in 't gebied van de Morienn g'interesseerd omdat 't de kortste oversteek noar [[Iengeland]] was. De Morienn haan wel under eign haavn ''Portius Itius'', moa Caesar concentreerdig em up de streke round [[Wissant]] woadat den ofstand 't korste was. Deurdat under gebied een miengsel van moerassn en bussn[[bus]]sn was, wodan de Morienn under kostn verduukn, hèt Caesar noais de hêle streke van de Morienn veroverd. Dat is wel gebeurd ounder zyn upvolger [[Augustus]], die under inlyfde in de Romeinse provincie Belgica.