David Castillo i Buïls: verschil tussen versies

'''David Castillo i Buïls''', is een [[Catalonië|Cataloansjchen]] schryver, zoernaliest en letterkundig kritieker.<ref name = GEC>[http://www.enciclopedia.cat/EC-GEC-0247084.xml "David Castillo i Buïls"], ''[[Gran Enciclopèdia Catalana]]'', 2013</ref>. J'is ip den [[19 juni|19sten van juni]] van 't joar [[1961]] in [[Barcelona]] geboorn.

 

J'is afkomstig van de wyk Poblenou (in 't Vlams: Nieuwdorp), in 't begun van de joaren [[1960|tsjestig]] was dadde een wyk vul mê fabriekn die de lucht styf vervuulden. Ze keekn in dien tyd nog nie veel achter de polluusje. As kleen joentje haatje last van asma en den huusdokteur zei under dasse mosten verhuuzn. Je was amper twi joar ô heel de familie no Vallcarca, nen anderen wyk van Barcelona, verhuusd is. In dien tied was Vallcarca nog biekans een boeregat vul barrakn vô 't werkvolk, mo me winnig huuz'n en zoender otows of fabriekn, met uutzoenderienge van e drukkerie. De lucht was do beeter, mo da wos ton ook ol dajje koste zeggn. Otje em bitje oekder waas, hiengt je dô den straffen gast uut en mê zyn moatn vocht je geirn teegn de bende van d'andere stroate, datje geirn vocht! Volgens z'n eign en was't ol nie so erg of datter uut zaag, een bitje steens smytn en an makander trekkn en sleurn, mo z'n oekders voenden da mo gevoarlik. Vor 'em te besjchermen bezorgd'n z'hem een postjie van loopjoengn bie 'n bank. Otje van 't sjchole kwaam en n'haad tie azô ton nie vil tyd nie mê vô met z'n slichte vrienden achter stroate te loopn, datje nie vîl tyd meer en haad. Otje ton z'n diplom van de middelboare sjchoole gekreegn êd, êtje ton nog een promoosje gekreegn in den bank wo datj'ôl van z'n veertienste werkte, dat j'een promoosje gekreegn êd. Mo zalve en voend tie da heelegangs nie geestig, j'n'hêd em do nie anders gedoan of vervild. Elf joarn bie den bank is volgens êm gelyk met een eeuwe verveelienge. Desoendanks ên die elf joar êm loater oenrechstreeks vil ipgebrocht, wan 't is dô datje d'inspiroasje gevoendn hêd vô de meeste van z'n romangs, womee dattie uutendelik vil succes ghêd êed.<ref name = cs>Cristian Segura, [http://www.ara.cat/premium/llegim/David-Castillo_0_787121371.html „El secret de... David Castillo“] (David Castillo's Geheim), ''[[Ara (hazette)|Ara]], 6den van oktober 2012</ref>