Jan Van Eyckplatse: verschil tussen versies

Ten nôordn van de Jan Van Eyckplatse ligt de Spanjaardstroate, woa dat ’t noatiehuus van de Castilioann stound, en de Spoansche loskoaie. An den overkant van ’t woater stound ’t Augustynnklôoster, woa da verschillige verênigiengn van vrimde commercantn ounderdak krêegn.

 

 

Ten ôostn van de Jan Van Eyckplatse an d’Iengelsche under noatiehuus an de Spegelreie. ’t Domus Anglorum dateert verzekers van ’t ende van de 14e eeuwe en van 1574 tout 1585 was ’t de residentie en ’t consuloat van d’Iengelsche wullecommercantn. In 1767 wierd ‘t verkocht an de Jezuïetn, die d’r e klêen college inrichtegn. In de 20e eeuwe was ‘t e Keuninklik Lyceum vo meisjes en loater achter de fusie e basisschole. Nu is ’t e vormiengsschole vor anderstoalign.

[[Ofbeeldienge:Brugge - Saaihalle en beurs.jpg|thumb|left|Lienks de Genuese loge, in 't middn 't huus ter Beurze en reks de Venetioanse loge]]

 

 

D’r tusschn stoat ‘t huus ter Beurze. Ol van in à peu près 1260 ad de familie Van der Buerse doar under herberge. In die periode, vo dan de vrimde commercantn g’organiseerd woarn, verblêevn ze in de platselikke herbergn en d’herbergiers of hosteliers woarn olgauwe veel mêer of verheurders van koamers. Ze speeldn vo tolk en hielpn under gastn ip olle gebied.