Kemmelberg: verschil tussen versies

De '''Kemmelberg''' is een [[getuugnheuvel]] in [[West-Vloandern]]. 't Is mi zyn 156 meiters 't hoogste punt in [[Vloandern]]. Op 't stêegste punt goat et 23% omhoge. De Kemmelberg legt op 't groundgebied van de gemêente [[Euvelland]]. 't Is e styf schône omgevienge voar e toertje te doen, te voete of mi de [[vèlo]].

De Kemmelberg is, juuste lik de mêeste heuvels in 'n omtrek, ontstoan uut een duunnformoasje op 't moment dat de [[Nôordzêe]] nog zoaverre 't land binnengedroungn et. In 't duunnzand (van 't Diestiaan) zit der veel [[Yzer (element)|yzer]], en doadeure is de ground doar arder en zyn d'euvels nie weggeërodeerd lik de reiste van 't landschap. 't Feit da je hoaietandn kunt viengn is e bewys dat 't zand vantydn ook ounderwoater zat.

'n Kemmelberg is dikkers angedoan in koersn lik [[Gent-Wevelgem]], de [[Driedaagse van West-Vloandern]] by de profs, [[Gent-Ieper]]Yper of de Kattenkoers by d'amateurs en Ledegem-Kemmel-Ledegem by de juniors. Deur 't gevoar van volpartyn wordt der nie mi ofgedoald over de koschien: 't parcours begunt d'ofdoalieng nu an 'n gasfalteerdn zuudkant, 't nimt toen e klêen asfaltwegeltje met e boge noa 't Frans kerkhof en vandoar uut 't g'asfalteerd dêel van de westelike ofdoalieng.