[[Ofbeeldienge:Position Alpha Ori.png|thumb|Betelgeuze in 't sterrebeeld Orion]]
[[Ofbeeldienge:Betelgeuse star (Hubble).jpg|thumb|In december 1996 makte [[NASA]] bekend dat Betelgeuze d'eeste [[sterre (astronomie)|sterre]] wos buutn de [[zunne]] woavan da de [[Hubble ruumtelescoop]] foto's èt keunn moakn.]]
'''Betelgeuze''' (''alpha Orionis'') is achter [[Rigel]] de strafste [[sterre (astronomie)|sterre]] in et't [[Lyste van sterrebêeldn|sterrebeeld]] [[Orion (sterrebeeld)|Orion]].
De noame van de sterre es van oorsproung Aroabisch. In die toale noemt ze ''yad al-djoeza'' (and van 'n reus), moar deur e leesfoute es de sterrenoame in westerse toaln ofgeleid van ''ibt al-djoeza'' ('n oksel van 'n reus). De spellienge ''Betelgeuze'' es Iengels. In 't Vlams spreekn me wyder da meestol uut lik of dat et geschreevn stoat.
Betelgeuze es ne [[veranderlikke sterre|veranderlikken]] roojn [[superreus]] mè en periode van enigste ounderden doagn. Achter de [[zunne]] es datte de sterre mè de grotstn schynboarn diamèter, 0,047 [[boogseconde|boogsecondn]] (de zunne es 30 boogminuutn), en doardeure es Betelgeuze, oe je ze extreem vergroddert, te ziene lik e schyve. In 't echte es de sterre 750 keers zo groot lik de zunne.
Betelgeuze es an 't ende van eur leevn. Ze kut olle momente ountploffn lik [[supernova]]. "Olle momente" moe je wel nie te letterlik uppakkn want 't es en astronomische moatstoave, 't kut nog gemakkelik en poar tienduuzd joar duurn. Moar oe't et goat gebeurn, goat de sterre wekenlang byzounder straf schyngn, verzekers wel [[magnitude]] -10, zowel by doage lik by nachte. Dat es à peu près 250 keers zo straf lik de planete Venus (magnitude ca. -4) en nie zo veel zwakker lik de vulle [[moane]] (magnitude -12,5) !
== Externe koppeliengnkoppelienge ==
* [http://www.alcyone.de/SIT/bsc/ Bright Star Catalogue] {{en}}
