Troopiesche en subtroopiesche drooge loofbusschn: verschil tussen versies

geen bewerkingssamenvatting
De '''troopiesche en subtroopiesche drooge loofbusschn''', ook gekend oendre de noame '''troopiesche droogbusschn''', zyn e [[bioom]] lik of da 't beschreevn is deur de [[Weireld Nateur-Stichtienge]] <ref> {{en}} [http://worldwildlife.org/biomes/tropical-and-subtropical-dry-broadleaf-forests Troopiesche en subtroopiesche drooge loofbusschn : lyste van ekostreekn (WWF)] </ref> <ref> {{en}} [http://www.panda.org/about_our_earth/ecoregions/about/habitat_types/selecting_terrestrial_ecoregions/habitat02.cfm Troopiesche en subtroopiesche drooge loofbusschn : lyste van ''Global 200''-streekn (WWF)] </ref>. 't Is geleegn in de Troopn en de Subtroopn. Oewel da die [[bus]]sschn te vienn zyn in klimoatn woa da 't 't hêel 't joar warm is, kunn ze verschillnde oenderdn sentiemeetrs reegn ên, mor istr e lank droog joargetyde dat verschillnde moandn deurt en da varjeert mê d' [[Eirdrykskunde|eirdrykskundige]] liggienge. Die sezoensgeboenn droogtn ên e grôotn invloed ip aal 't leevn in 't bus.
 
Boomn mê ofvollnd blad oovrêersn in de mêeste van die busschn, en binst 't droog joargetyde istr e tyd zoendre bloarn an de boomn, en da varjeert vôgns sôorte. Omda de boomn vochte verliezn deur undre bloarn, lat 't ofstôotn van de bloarn toe an sôortn lik ''Tectona grandis'' (Lipblommign) en ''Phanera variegata'' ([[Vlinderblommign]]) vo woatre te spoarn in de momentn van droogte. De koale boomn geevn 'n oopn krôonndêk, en geevn an de zunnestroaln de kanse toe an de groend te graakn en vergemakklikn de groej van e diche struuklaage. Boomn ip nattre plekkn en de deeze die an 't groendwoatre kunn, zyn dikkers altydgroene. Ip oenvruchtboare platsn zyn dr ook veele altydgroene boomn. Drie [[Ekostreeke|ekostreekn]] uut de troopiesche en subtroopiesche drooge loofbusschn zyn gekenmerkt deur altydgroene boomn : de drooge altydgroene busschn van Ôost Dekkan, de drooge altydgroene busschn van 't drooge dedêeltegedêelte van Sri Lanka, en de drooge altydgroene busschn van zuudôostlik Indochina.
 
Oewel bioloogiesch mindre verscheidn of de [[Troopiesche en subtroopiesche natte loofbusschn|reegnbusschn]], êrbergn troopiesche en subtroopiesche drooge busschn e grôote varjeteit van wilde bêestn woaroendre oapn, êrtachtgn, grôote katachtign, papegoajn, knoagbêestn, en [[Veugel|veugls]] die ip de groend leevn. De biomassa an zôogbêestn is mêesta oogre in drooge busschn of in natte reegnbusschn, in 't byzoendre in de drooge busschn van [[Afrika]] en [[Azië|Oazje]]. Veele van die sôortn toogn buutngeweune anpassiengn an 't moejlik klimoat.
5.459

bewerkingen