Tajga tusschn de Muskwa-Bergn en 't Grôot Sleevie-Mêer: verschil tussen versies

Die ekostreeke êrbergt veele wilde bêestn woaroendre grôote kuddn (van duuznde stiks) van roendtrekknde bus-karieboe (''Rangifer tarandus caribou'') en andre grôote [[zoogbêestn]] lik eeland (''Alces alces''), biezon (''Bison bison athabascae'') (''Wood Buffalo National Park'' is in die streeke), wapietie (''Cervus canadensis'') en muul-êrte (''Odocoileus hemonius'') tegoare mê klindre bêestn lik snêewschoe-[[hoaze|oaze]] (''Lepus americanus''). De roofbêestn die undre voedn mê aal da wild zyn de Kanadeesche lynx (''Lynx canadensis''), de grizzly-beir (''Ursos arctos horriblus''), d' Ameriekoansche zwarte beir (''Ursus americanus'') en de grysde wolf (''Canis lupus''). [[Veugel|Veugls]] omvattn de woatre-veugls van de veele moerassn en prèèrie-veugls lik de ganznruugpôot-oendrs (''Tetraoninae'').