Beukachtign: verschil tussen versies

De beukachtign wordn dikkers verdêeld in vuuve of zesse oendrefamieljes en 't is algemêen anveird datr neegn of tien geslachtn zyn (ipgelyst ieroendre). De monophylie van de beukachtign wordt sterk oendresteund zowêl deur de morfologie (byzoenderlik de morfologie van de vruchtn) lik deur de molekulèère gegeevns<ref name="Judd, Walter S. 2008"> {{en}} Judd, Walter S., Christopher S. Campbell, Elizabeth A. Kellogg, Peter F. Stevens, Michael J. Donoghue 2008 : Plant Systematics: A Phylogenetic Approach Third Edition, ''Sinauer Associates, inc'', Sunderland, MA.</ref>.

't Geslacht ''Nothofagus'', of de schynbeukn, uut 't Zuudlik Oafroend, wierd vroegre by de beukachtign gereeknd <ref>{{en}} Cronquist, Arthur 1981 : An Integrated System of Classification of Flowering Plants, ''Columbia University Press'', New York, NY.</ref>, mor oenlangs bewêezn molekulèère gegeevns dat da nie klopt. Oewel da de schynbeukn 'n antal zoakn gemêen êt mê de beukachtign, lik de vorm van de vruchtn, verschilln ze serieus ip andre gebiedn, woaroendre 't verschil in steunbladjes en in de morfologie van 't stuufmeel, mor ook deur 't verschillnd antal kromozôomn<ref> {{en}} Takhtajan, Armen 1997 : Diversity and Classification of Flowering Plants, ''Columbia University Press'', New York.</ref>. 't Teegnwôordig standpunt van de gespesjalizeerde plantkundign is van ''Nothofagus'' te platsn in 'n eign famielje, de ''Nothofagaceae''<ref name="Judd, Walter S. 2008"/>.

De beukachtign zyn wyd verspreid oovre 't Nôordlik Oafroend. Diversiteit ip geslachtsnievoo is gekoncentreerd in zuudôost Oazje, woa dat de mêeste bestoande geslachtn zoen oentwikkeld zyn vôo da ze uutgeweekn zyn nor Europa en no Nôord-Amerika (lanst de Bering-Landbrugge <ref> {{en}} Manos, PS., AM Stanford 2001b : The historical biogeography of Fagaceae: Tracking the tertiary history of temperate and subtropical forests of the Northern Hemisphere, ''International Journal of Plant Sciences'' 162: S77-S93 Suppl. 6.</ref>).

[[CategoryCategorie:Beukachtige| ]]