Walter van Terwoan: verschil tussen versies

Walter was monnik van 't Sint-Moartensklôoster van Yper. In [[1117]] wierd y benoemd toe aortsdioakn van 't Bisdom [[Terwoan]] en beôorde y by de vertrowliengn van biskop Jan I van [[Woastn]]. In dediens zyn ipdracht en ook ip verzoek van de deekn Gozelin makte y e leevnsbeschryvienge van de in [[1127]] vermôorde groaf [[Karel de Goein|Koarl de Goejn]], gevôgd deur 't reloas van de môord en de daaripvôgnde bestraffienge van de doaders. Y droeg dat ip an de biskop. Y a kort vôo dedien zyn oovrelydn Yper bezocht en doa met de Vlamsche Grôotn gesprookn. Roend [[1127]] êt y meuglik ook e reize no [[Rome (stad)|Rome]] gemakt. Achtre de dôod van Jan van Woastn stelde y ook dedien zyn leevn ip schrifte. Die ''vita'' is nie allêene de belangrykste bronne vo 't leevn en 't werk van die zoaligverkloarde biskop, ze bevat ook de vroegste beschryvienge van e mottekastêel in [[Woomn]], ip de platse woada nu 't kastêel de Coninck de Merkem stoat <ref> {{nl}} [https://inventaris.onroerenderfgoed.be/dibe/relict/79624 Inventaris Onroerend Erfgoed]</ref>. Lik geschiedschryvre was y zorgvuldig, en schrêef y e simple en kloar [[Latyn]] mê uutdrukkiengn uut de rechtsproake. Deur zyn grôote presiesje van werken en beschryvn van zoakn en gebeurtnissn wordt zyn werk bekeekn lik e belangryke tydsbronne.