Twiddn Weireldôorloge: verschil tussen versies
Verwijderde inhoud Toegevoegde inhoud
Regel 16:
Op 1 september 1939 viel Duutsland ze gebeur binn: [[Pooln]]. Iengeland e Vrankryk addn beloofd a Pooln da ze nunder giegn elpn, en dus kostn ze nu nie angers of nunder legers te mobiliseern. 'n Twiddn Weireldôorlog wos officieel begunn.
Hitler moeste nem in 't begun moa concentreern op e poar frountn, want en adde e slim nie-aanvalsakkôord etêkend mi Stalin in ogustus 1939: de Russn giengn Duutsland ni anvolln en omgekêerd ('t zogezeide Molotov-Ribbentroppact, of 't ''Duvelspact''). Oek de Amerikoanders bemoeidn nunder in 't begun niê.
Hitler adde e ''Blitzkrieg'' (e styven rappn ôorlog zounder vele tegenstand) vôorspeld en da kwam oek uut. Op 9 april 1940 viel Duutsland binn by [[Denemarkn]] en [[Nôorweegn]]. Op 10 mei van da joar giengn [[Belgie]], [[Luxemburg (land)|Luxemburg]] e [[Holland|Nederland]] d'ran. In êen zwoai wilndn ze oek [[Vrankryk]] inneemn, moa da gieng e bitje moeilikker. Op 't ende van juni '40 gaavn de Fransche nunder over. Hêel 't Fransche wos nu bezet, buutn e klêen stiksje: in Vichy collaboreerde maarschalk Pétain mi de Duutsche en doa kost 'n e bitje zyn eigen goeste doen. Generaal De Gaulle vluchtte weg na [[Londn]], e leidde doa 'n opstand va de Fransche.
In 't Westn blêef ollêne nog Iengeland over da ni bezet wos. [[Winston Churchill]], 'n Êestn Minister, wos doa de grôte man. Hitler probeerde mi ze luchtmacht, de ''Luftwaffe'', heel [[Londn]] te bombardeern, moar utendelik wos de RAF, de luchtmacht van d'Iengelsche, te sterk.
| |||