Lernout en Hauspie: verschil tussen versies

'''Lernout en Hauspie''' (Ieper-Poperinge: ''Lernoet & Oespie'') zin de twêe uprichters van ''L&H'' (loater ''LHSP''), 't vôormoalege technologiebedrif uut [[Ippr|Ipperse]]. 't Ed êest stif egroeid en 't wos e vôortrekker van de Vlamsche technologiebedrîvn, toet dat gerecht derachter ekomn wos danze eloogn an over nunder winsn.

 

'''Jo Lernout''' en '''Paul Hauspie''' zin in 1987 begun med e bedrivetje die sproaktechnologie oentwikkelde, '''L&H'''. Paul Hauspie wos e boekouder, Lernaut verkocht computers. Z' a'n olletwiè de visie da computers te bedien'n moesten zin met de stemme. In 't begun oaln ze ol 't geld da ze nôodig an up bie de platselike minstand. Roend '95 zin ze no de Amerikoansche technologiebeurze [[NASDAQ]] egoan. Omdatter e masse over ekoet is en olles stif schôone voornesteld wos, schoot'n nunder andêeln lik een rakette oemooge. Ze woarn oek esteund tot in de ogste kriengn: Prins Filip e Flanders Language Valley oopn edoan up 11 november 1999, tope met'n êest'n minister [[Verhofstadt]] en koamervôorzitter [[Herman De Croo]]. [[Jean-Luc Dehaene]] zat in nundern Road van Bestuur. In 2000 ister en ende ekomn an 't schôon liedje, toen da de [[Wall Street Journal]] en artikel publiceerde over fraudepraktiken in de [[Zud-Koreaanse]] afdêelinge van L&H (ze steldn nunder winstciefers schonder voorn dan dasse woarn). Van toene vors is de beurswoarde van 450 miljard frank (up 't ogtepunt) esmookn lik snêeuw. Upn 24sn oktober van 2001 zin ze failliet verkloard deur n' Ipperschn andelsrechtbank.

 

L&H makte dus technologie die bedienienge van computer me sproake meugelik moeste moaken. Je ku da oenderverdêeln in 4 categoriejn: Sproakcompresche, sproaksynthese, vertoalsoftware en sproakverkennienge. Êen product da ze verkochtn, wos Voice Xpress. Êen van de goed-nieuwsshows van L&H wos da ze e soamenwerkinge an me [[Microsoft]]: in september 1997 e Microsoft en andêel van 16% gekocht van L&H, voen e somme va 45 miljoe dollar. Loater wrocht'n z'oek tope voe specifieke product'n.

 

Me 't verlies van ol 't geld van meschn ut de streke, en der vele menschn slicht evoarn. up 't ogtepunt van 't bedrif, wuldn ze en echte [[Flanders Language Valley]] in Ippr (e bitje liek ''Silicon Valley''). 't Is e grôote industriezone voe nieuwe technologiejn ebouwd in Ippr (in de vorme van 't binste van en ôore). L&H et e momentje in 't ôofdgebouw ezeetn, mor achter 't faillisement zijn de mêeste bedrivn e bitje med e kêe wegegoan.

 

In dad oofdstik iere gom e ki trachn te zien woa dat misegoan is.

Belangrik is da Lernout en Hauspie e grôot'n drôom an, e bitje geld, stif vele courage en gin ervoaring. (anvuln)

<br>'t Schient dat et nie al te hoe werkte zodat ze een programmatje van de concurrensie gebreukten om geld te goan ronselen.

 

Nu damme verre 20 joar loater zin, gom eki kieken woar dat sproakverkenning stoat.

#Sproakerkenning is gemakkelik voar e demootje in laboratoriumcondisjes, verschrikkelik moeilik om et te doen marcheern met ondudelike sprekers en in en omgevieng woar datter oek andere sprekers en lawaai zin. En toen klappen we nog niet van de minschen lik de West-Vloamingen die 'n elft van nunder letters opeten, of de Aziaten woar da oek de toanôogte de betiekenisse van 't woord bepoalt.

<br><br>'''Sproakerkenninge''' is e marginale technolohie en 't goat 't nog lange bleuven oek.

 

't Moaken van e product es lik 't moaken van e kliën:

* in e fractie van ne seconde ej' 't gedacht of de concepsie

Via alle sorten (gesubsidieerde) researchprojecten sukkelden Pol en Jo noa prototypes die e kliën bitje verbeterden. Moa lik in vele researchprojecten: oater ein probleemptje opgelost wos, voegn ze tien nieuwe problemen.

 

Omdat ze de kosten serieus onderschat oan, en mier en mier geld nodig oan, moest'n ze e tandje biesteken.

<br>In [[Belgje]] est stief moeilik om risicokapitoal te vindn, bie de nuchtere West-Vloamingen schier onmeuglik. Ze zoaten dus in 't verkierde land.

<br>Ondertussen kwoamen er oak serieuze concurrenten op de markt; an den universiteit van Charleroi en in Philips Eindhoven giengen ze minstens even hoe voareut lik in Ippr.

=='t Iëste financiéle succes: 't begun van 't ende==

 

 

[[Categorie:Ippr]]