Albrecht I van Habsburg: verschil tussen versies

Verwijderde inhoud Toegevoegde inhoud
Pastel (discuusjeblad | bydroagn)
nieuw blad: {{Dynastie| | ploatje = 200px | noame = Albrecht I | leevn = 1255 - 1308 | functie1 = 20px|left...
(geen verschil)

Versie van 5 jul 2018 18:20

Albrecht I van 't Huus Habsburg (Rheinfelden (Zwitserland), juli 1255 - Königsfelden (Zwitserland), 1 meie 1308), was Rôoms-Duutsche keunienk van 1298 tout an zyn dôod.

Albrecht I
1255 - 1308
Rôoms-Duutsche keunienk
Periode1298 - 1308
VôorgangerAdolf van Nassau
IpvolgerHendrik VII
Hertog van Ôostnryk en Stiermarkn
Periode1282-1308
me Rudolf II (1282–1283)
me Rudolf III (1298-1307)
VôorgangerRudolf I
IpvolgerFrederik de Schôonn
VoaderRudolf I
MoederGertrude van Hohenburg
De môord ip Albrecht I in Königsfelden, Zwitserland

Je was den oudste zeune van keunienk Rudolf I en zyn êeste vrouwe Gertrude van Hohenburg. Zyn voader was den êeste keunienk van 't Hillig Rôoms Ryk van 't Huus Habsburg.

Albrecht I was van 1282 hertog van Ôostnryk en Stiermarkn, tegoare me zyn broere Rudolf II van Ôostnryk.

Os zyn voader Rudolf I in 1291 stierf, wierd Albrecht nie tout Rôoms-Duutsche keunienk verkoozn deur de Duutsche keurvorstn. Ze wildn nie dat de keuniengskrône erfelik kwam en ze koozn Adolf I van Nassau in de plekke. Mo deur probleemn me den eirtsbisschop Gerhard van Mainz en ook omdat ie in e conflict de kant van den Iengelsche keunienk Edward I ha gekoozn, wierd ie in 1298 ofgezet en wierd Albrecht I toch gekrôond tout Rôoms-Duutsche keunienk.

Vo de reloasje tusschn de Habsburgers en de Přemysliden te verbeetern, was zyn broere Rudolf II in 1289 getrouwd met Agnes van Boheemn, de joungste dochter van Přemysl II Otakar en e zuster van Wenceslaus II, de keunienk van Boheemn. Ip 10 meie 1290 stierf Rudolf II ounverwacht in Praag. E poar moandn achter zyn dôod krêeg Agnes e zeune, Jan van Swaabn. 't Was ie die loater zyn nounkel Albrecht zou vermôordn.

In 1304 vocht Albrecht I teegn keunienk Wenseslaus II van Boheemn. Wenseslaus II stierf in 1305 en zyn zeune en ipvolger Wenseslaus III wierd in 1306 vermôord, woadeure dat et Huus Přemyslid doar uutstierf.

Albrecht bezette et keunienkryk Boheemn en in 1306 miekt ie zyn zeune Rudolf III van Ôostnryk doa keunienk als Rudolf I van Boheemn.

Huwelik en jounges

Albrecht trouwde in 1274 met Elisabeth van Karinthië. Under jounges woarn:

  • Anna
  • Agnes
  • Rudolf III van Ôostnryk, keunienk van Boheemn als Rudolf I van Boheemn
  • Elisabeth
  • Frederik de Schôonn, hertog van Ôostnryk en Stiermarkn en van 1314 tout 1330 Rôoms-Duutsche antikeunienk, tegoare me Lodewyk den Beier
  • Leopold I
  • Catharina
  • Albert II
  • Hendrik
  • Meinhard
  • Otto
  • Jutta

Zyn dôod

In 1308 wierd Albrecht I vermôord deur Jan van Swaabn (Jan Parricida genoemd), de postuum geboorn zeune van zyn broere Rudolf II.