[[FilipsPhilippe IV van Vrankryk]], ôok wel [[FilipsPhilippe dende Schoonn]] genoemd, wos de klêenzeune van [[LodewykLouis IX van Vrankryk|Louis IX]] en wierd keunienk van [[Vrankryk]] in [[1285]]. In teegnstellinge tot zyn grôotvoader probeerdn em de macht te centroalizeern. De groave van [[Vloandern]], [[Gwyde van Dampierre]], wos doa vaneigenst nie mee gediend, mor ne koste nie belettn da [[FilipsPhilippe IV van Vrankryk|Filips IV]] controleurs no Vloandern zound voun te kykn out olles wel volgens zyn wettn gounk. En zyder voundn compagnongs by e klêen dêel van de [[burgery]], die ôok de macht van de groave wilde inperkn. Doadeure zocht de groave ulpe by 't geweune vook, de gildn en de boern. De franskiljongs wierdn Lelioards genoumd, no 't Fransche woapnschild en 't geweune vook wierd êest Lieboars en loater Klauwoars genoumd, no 't Vlamsche woapnschild.
In 1297 escaleerde 't conflict. De groave ad e verdrag mè den [[Iengeland|Iengelsche]] keunienk [[Edward I]], woavan dat 'n peisde dat 'n machtig en te betrouwn wos en achter e verôordêelinge deur 't Fransche parlement zeidt 'n zyn êed an [[Vrankryk]] up, wuk dat in feite e sôorte onafankelikheidsverkloaringe va Vloandern wos.
==De slag zelve==
[[FilipsPhilippe IV van Vrankryk|Filips IV]] wos vroet va coleire vaneigenst en ne zound e leger no [[Vloandern]]. De groave a gepeisd van ulpe te krygn vanuut [[Iengeland]], mo [[Edward I van Iengeland|Edward I]] wos zelve druk bezig mè nen upstand van de [[Schotland|Schottn]] en ezô bestond et [[Vloandern|Vlamsche]] leger surtout uut minschn uut [[Kassel]] en [[Veurne]] mit e bitje ulpe uut [[Brugge]] en 't [[Brugse Vrye]]. 't Wierd geleid deur Willem van Gulik den oudn, e klêenzeune van de groave Gwyde van Dampierre. 't [[Vrankryk|Fransche]] leger wierd geleid deur Robert II van Artois. Oun de Vlamsche ridders 't Fransche leger zoagn ofkommn up woensdag den [[20 ogustus|20stn oeste]], in Bulskamp, gingn ze der rechte up of, zounder rekeninge 't oudn mè 't voetvook da nie mêekost. Da wos vaneigenst nie echt slim, omda ze nu in twêe groepn moestn vichtn. Achter nen artn en bloedigen bataille wierdn ze ton ôok versleegn. De ridders vluchttn nor [[Yper]] en 't voetvook zochte schuttinge in Veurne. Willem van Gulik den Oudn et nie overleefd.
