Leers-Nôord: verschil tussen versies

Verwijderde inhoud Toegevoegde inhoud
nieuw blad: {{Infobox Belgische deelgemeente | naam = Leers-Nôord | kaart1 = 300px | kaart2 = | kaart3 = | wapen = | provincie = HENG | gemeente = Stêenpit...
 
Geen bewerkingssamenvatting
Regel 24:
}}
'''Leers-Nôord''' ([[Frans]]: ''Leers-Nord'', [[Nederlands]]: ''Leers-Noord'') es e dorp en dêelgemêente van de [[Wallonië|Woalse]] gemêente [[Stêenpit]] in de provinsje [[Enegouwn]]. 't Ligt o de zuudkant van Stêenpit zelve, teegn de schreeve me [[Vrankryk]]. An den and're kant van de schreeve ligt de Fransche gemêente [[Leers]]. O de nôordkant van Leers-Nôord lôopt et [[Spierekanoal]].
 
==Geschiedenisse==
Leers-Nôord en't Fransche Leers woarn langn tyd êen plekke geleegn in de kasselrye Rysel. By de [[Vrede van Oakn]] tusschn Vrankryk en Spanje in [[1668]] wierd'n an Vrankryk êenigte gebied'n gegeevn die nu in't uudige [[Nôorderdepartement]] liggn, wa nog ne kêe wierd bevestigd by de [[Vrede van Neymeegn]] in [[1678]]. Mo deur 't oude feodoale systêem kende de schreve ip teffrente plekkn echter e vrêe ouneffn verlôop mè encloaves en excloaves. Der moste e commisje de grenzn deftig vasteleggn, mo 't deurde ton nog tout 22 ogustus [[1769]] êer der e grensverdrag kwam tusschn de Fransche keunienk [[Lodewyk XV]] en [[Maria Theresia van Ôostnryk]] (de [[Spoansche Nederlandn]] woarn oundertusschn ol d'[[Ôostnryksche Nederlandn]]). Leers wierd doaby hillegansn by 't Fransche keunienkryk gesmeetn. Kerkelyk bluuvde Leers pertank volln ounder 't bisdom Dôornik. Ôok liep de boane van [[Dôornik]] noa [[Mjinde]] twis deur Leers en zodoende over de schreve, wa de mienschn nie geirn ad'n mè da ze ton tol moestn betoaln. In [[1779]]-[[1780]] kwamter ounder [[Lodewyk XVI]] e nief verdrag. Leers wierd ezo nu in twêe gedêeld. Leers-Nôord kwam by 't Dôorniksche in d'Ôostnryksche Nederlandn, Leers-Zuud bleef in de Fransche kasselrye Rysel.
 
[[Ofbeeldienge:Leers-Nord Église l'église Saint-Vaast.jpg|thumb|left|De Sint-Vaastkerke van Leers-Nôord]]