Ermentiers: verschil tussen versies

255 bytes toegevoegd ,  11 maanden geleden
geen bewerkingssamenvatting
'''Ermentiers''' ofte '''Armentiers''' ([[Frans]]: ''Armentières'') es e gemêente in [[Vrankryk]] in't [[Noorderdepartement]]. 't Ligt in [[Frans-Vloandern]], mêer bepoald in [[Rysels-Vloandern]]. Ermentiers ligt in't [[Leiestreke|Leiedal]], teegn de schreve mè 't [[Wallonië|Woalsche]] [[Koomn-Woastn]] en de [[Fransche Westoek]].
 
't Grenst an de gemêentn Koomn-Woastn (mêer bepoald an [[Ploegsteirt]] en 'n Bizee), [[Opline]], [[Ermentiers-Kapelle]], [[Erkegem an de Leie]] en [[Niepkerke]]. 't Is e klêene steej an de [[Leie]] da leeft van d'industrie. Der weun'n apeupri 25.000 mienschn.
 
[[Ofbeeldienge:Armentieres_1649_Blaeu.jpg|thumb|left|Koarte van Ermentiers in 1649 deur [[Joan Blaeu]]]]
[[Ofbeeldienge :Beffroi armentieres 5.jpg|thumb|left|Belfort van Armentiers]]
== Geschiedenisse ==
't Dorp Ermentiers is vo 'n êeste ki vernoemd in 869 ounder de noame ''Atramentarias''. 't Wos e dêel van 't [[Groafschap Vloandern]], en 't lag êeuwnlank op de grenze tussch'n 't stik woa dan ze Vlams koutigd'n en [[Romoans-Vloandern]]. Deur 't [[Verdrag van Oakn]] van [[1668]] kwam et by Vrankryk, tôope mè [[Rysel]]. In de neegntiende êeuwe wierd et en industriestad die lêefde van d'n textil en de brouwery'n. Ermentiers eit ôok vrêe te lyd'n g'et byst de twêe weireldoorloogn. In d'n [[Êestn Weireldoorloge]] es 't stee twêe kêer deur de Duutsche veroverd.
 
== "Armentières, pauvre mais fière" ==
Ton da Ermentiers by Vrankryk kwam, goenk er e delegoasje van de stad na keunienk [[Lodewyk XIV]]. Achter vele joarn van ôorlog wos 't oarmoe troef by de bevolkienge. Moa de burgers wou'n nunder ni loatn kenn'n, en azo schôoinde ze sjieke klêers van ander mienschn om by 'n keunienk te komm'n. Lodewyk XIV adde ôord van nunder truuksje en ne zei: ''Armentières, pauvre mais fière'' (Ermentiers, arme moa preus). Da blêef, tout op vandoage, de spreuke van de stad.
 
[[Ofbeeldienge :Beffroi armentieres 5.jpg|thumb|left|Belfort van Armentiers]]
== Beziensweirdigeedn ==
* 't Belfort van Ermentiers
* D'Illige-Theresia-van't-kindeke-Jezuskerke
* De Sint-Jozefskerke
* 't ''Cité Bonjean Military Cemetery'', e militaire begroafplekke uut d'n [[Êestn Weireldoorloge]], mè mêer of 2600 ôorlogsgroavn. Ip't kerkof stoat ôok 't ''Cité Bonjean (New Zealand) Memorial'', êen van d'oorlogsmonument'n vo de dôo soldoatn uut [[Nieuw-Zêeland]] die gin gekend graf ein.
 
{{commonscat|Armentières}}
2.990

bewerkingen