Dardanelln

De Dardanelln ofte de Hellespont (Turks: Çanakkale Boğazı, Grieks: Δαρδανέλλια) es 'n zêestroate tusschn Europa en Klêen-Azië, o de nôordwestkantn van Turkeye. De zêestroate es 'n ounderdêel van de verbindienge tusschn de Zwortn Zêe en de Middellandsche Zêe, en scheedt 't Europeesche van't Azioatische stik van Turkeye. In't nôordôostn lôopt de stroate oover in de Zêe van Marmara, in't zuudwestn komm'n de Dardanelln uut in d'Egeïsche Zêe.

Liggienge van de Dardanelln

De Dardanelln zyn apeupri 65 kilomèiters lank. De brêedte dervan verschilt ol mè de plekke, tusschn 1,2 en 6 kilomèiter. Gemiddeld es de zêestroate 55 mèiters diepe; 't Diepste punt ligt by 't smolste gedêelte van de Dardanelln by de plekke Çanakkale en es 103 mèiters diepe. O de noordwestkantn van de zêestroat ligt et schiereyland Gallipoli (ip't Europeesche stik).

Ofbeeldiengn die ier by passn ku je vien in de categorie Dardanelles van Wikimedia Commons.