Dardanelln: verschil tussen versies

4 bytes toegevoegd ,  2 jaar geleden
Geen bewerkingssamenvatting
 
De Dardanelln ofte de Hellespont es ol van verre in d'Oudeyd vrêed importantig gewist lyk voarroute tusschn de Zwortn Zêe en de Middellandsche Zêe en lyk ooversteekplekke tusschn Europa en [[Oazië]]. Ozowel vo de commerce ols vo militaire doelend'n wos't interessant vo controlle t'ein oover de zêestroate. In d'oudeyd lag de stad [[Troje]], die gekend es van de legendoarische vertelsels van [[Homeros]], an de zuudelykn toegank van de Hellespont. 't Es ton istorisch juuster van te zeggn da de Trojoansche Ôorloge tusschn de Griekn en de Trojoan'n nietn van doen adde mè d'ountvoerienge van Helena lyk da Homeros 't vertelt, mo datta geweune batterienge wos vo de plekke te kunn'n annexeern.
 
De Dardanelln woarn ôok e strategische te veroovern plekke vo de g'allieerd'n byst d'n [[Êestn Weireldoorloge]] die ezo d'[[Ottomoan'n]] (die an de kant van de [[Duutsland|Duutsche]] stound'n) wild'n versloan en ezo [[Istanboel]] woud'n veroovern en nen deurgank richtienge [[Rusland]] wildn forceern. Doavo wierd ier van 25 april 1915 tout 9 januari 1916 de Slag by Gallipoli uutgevochtn, mo 't Turks-Ottomoansche leeger ounder leydienge van [[Mustafa Kemal Atatürk]] koest da verinder'n en èit de g'allieerd'n ip ulder dooze gegeevn. By de slag kwoam'n surtout ôok vêel soldoatn uut [[Australië]] en [[Nieuw-Zêeland]] omme, wa olle joare erdacht wierd ip [[ANZAC Day]], de 25stn april.
 
{{Commonscat|Dardanelles}}
3.034

bewerkingen