Bosporus: verschil tussen versies

Verwijderde inhoud Toegevoegde inhoud
nieuw blad: thumb|right|250px|De Bosporus getrokkn vanuut e satteliete Ofbeeldienge:Rumeli_hisari.jpg|thumb|right|250px|Zicht ip d'n B...
 
Geen bewerkingssamenvatting
Regel 4:
 
De Bosporus es apeupri 32 kilomèiters lank. De brêedte dervan verschilt ol mè de plekke en es ip zyn smolst mo 698 mèiters. 't Diepste punt es 124 mèiters diepe.
 
==Noame==
De noame Bosporus dateert ol van d'oudeyd en komt uut et Grieks (''Βόσπορος'') en duudt up e plekke woar runders 't woater kunn'n oovrsteekn (''Bous'' es't Grieks vo koeie). D'oude Griekn legd'n e verband mè de mythe van de nimfe Io die deur [[Zeus]] in e koebêeste wierd veranderd en die ier de zêestroate zo zyn oovrgestookn. De betêekenisse van de plekke es ezo dezelfde lyk dedie van plekken lyk [[Ruddervoorde]], [[Coevorden]] of [[Oxford]] die in tydde oovrsteekplekkn woarn vo runders. Da de Bosporus effectif ôok echt iervo wierd gebruukt es vrêe te betwyfeln, mè da de zêestroate te brêed en te diepe es vo mè koebêestn oovr te steekn.
 
In tydde noemdigd'n ze de plekke oltemets ôok wel de Thracische Bosporus (wa verwyst noa de landstreke [[Thracië]]) vo nie te verwarr'n mè de [[Stroate van Kertsj]], die in d'n oud'n tyd ôok wel de Kimmerische Bosporus wierd enoemd. In de Griekse mythologie wos de Bosporus ôok wel gekend lyk "de zworte rotsn" woar da Jason mè zyn Argonautn deure moestn voarn richtienge Kolchis.
 
D'uudige Turkse noame es ''İstanbul Boğazı'', wa geweune "stroate van Istanboel" wilt zeggn.
 
{{Commonscat|Bosphorus}}