Adela van Mêesn: verschil tussen versies

Verwijderde inhoud Toegevoegde inhoud
Astro (discuusjeblad | bydroagn)
Adela van Mesen
(geen verschil)

Versie van 2 jan 2007 20:02

Adela van Mêesn (°1009 - Mêesn 8 januari 1079), oek gekend lik Adela va Vrankrik of Adela Capet. Adela wos e dochter van Robert II, e keunienk va Vrankrik, en Constance van Arles.

Neur leevn

Ze wos êest getrouwd mè ertog Richard III van Normandie. Achter zin dôod is ze in 1028 ertrouwd me groaf Boudewijn V van Vloandern. Toen da Boudewijn V van Vloandern dôod wos, gienk ze na d'abdie va Mêesn. In 1057 richtte ze e klôoster (in de orde va Sint-Benedictus) op in Mêesn voe Fransche edeldames.

De legende van Adela

Toen da Adela in Mêesn kwam weun, krêeg ze van Willem van Mesen, patriarch van Jeruzalem, e stiktje out van 't kruus woa da Jezus a gestorven wos. Op e nacht krêeg Adela e visioen. E vrouwe vroeg neur om e procesje te doen mè die relikwie. Adela stoeg op en ze voenk e rôon droad op 't altaar in de kerke. Op neur kniejn en elleboogn voogde ze dien droad, en neur volgeliengn markeernde de route da ze dèi. Da wos 't begun van 'n Grôotn Kêer, e processje die nu nog ossan in Mêesn bestoat. Ze begunt op 'n dag van de Eilige Krusvereffieng en deurt neegn doagn.

Achter neurn dôod

Adela is loater van tied zoalig verkloard. Neurn fêestdag volt op 24 februari. Oender de Sint-Nikloajkerke in Mêesn, in de Romaanse crypte, legt er e gedenkploate ter êre van Adela.