Georgia: verschil tussen versies
nieuw blad: {{Streektoale|Noordelik West-Vlams}} thumb|Georgia in de Verenigde Stoatn '''Georgia''' is e stoat... |
(geen verschil)
|
Versie van 26 feb 2021 22:49
Georgia is e stoat in 't zuydoostn van de Verenigde Stoatn. D'n hoofdstad en grotste stad is Atlanta.
Historie
Vo de kolonisoasje deur Europeoann wierd Georgia bevolkt deur indioann lyk de Cherokee. De Britsche kolonie Georgia is in 1733 gesticht en vernoemd noa keunynk George II van Groot-Brittannië. De provinsje Georgia was één van de dertien kolonies die binst d' Amerikoansche revoluusje in ipstand kwoamn teegn de Britsche overheersynge, deur d' oenofhankelykheidsverkloarynge te teeknn in 1776. Georgia was de 4e stoat die de 2 januoari 1788 de groendwet van de Verenigde Stoatn van Amerika ratificeerde. D'n 18ste januoari 1861 koos Georgia ols vuyfde stoat de kant van de Confederoasje (d' ofschèidynge van de Zuydelyke stoatn).
Geografie
Georgia grenst an Tennessee en North Carolina in 't noordn, an South Carolina in 't noordoostn, an d'n Atlantischn Oceoan in 't zuydoostn, an Florida in 't zuydn en an Alabama in 't westn. De stoat hèt n ippervlak van 153.909 km².
