Brugse Vrye: verschil tussen versies

''''t Brugse Vrije''' was in 't Ancien Regime de kasselrie van [[Brugge]]. Da was een groot plattelandsgebied die wier begrensd deur de Westerschelde in 't noorn, de Noordzee in 't westen, den Yzer[[Iezer]] in 't zuun, en in 't oosten deur de denkbeeldige liene Merkem-[[Lichtervelde]]-Ursel-Lembeke. Bin da groot gebied lagen der vele enclaves die een eigen bestier an: de steden Torhout [[Toeroet]], [[Gistel]], [[Oed'nburg|Oedeburg]],... en d'heerlikheden [[Wiendoale|Wiendale]], [[Siesele]], [[Proose]] en [[Kannunikse]],...

't Vrije was ingedeeld in drie kwartieren: 't noord-, oost- en westkwartier. Alle drie waren z'ip underne toer ipgedeeld in ambachten, en d'ambachten ip underne toer in prochies. Domee moe je wel ipletten: bevoorbeeld de stad Gistel had zen eigen bestier, en wier dus nie bestierd deur de schepenbank van 't Vrije, mo Gistel Ambacht wier wel bestierd deur de schepens van 't Vrije. Gistel ambacht bestond uut de prochies [[Moere]], [[Zevekote]], [[Kapelle]], [[Westkerke]], [[Roksem]], [[Ettelgem]], [[Bekegem]], [[Zerkegem]] en [[Zande]].

't Vrije bestierde dus een groot stik van de huidige provincie [[West-Vloandern|West-Vlaanderen]]. Naast bestieren, spraken z'ook recht, en hielden controle ip de lêgere bestieren, de polders en wateringen, kerken en dissen, de prochiebestieren.

't Was ontstaan rond het jaar duust uut gedeelten van de pagus Flandrensis (lank, smal gebied tussen 't [[Zwin]] en den Yzer), de pagus Rodanensis (de streke rond Aardenburg), en de pagus Mempiscus (de streke te westen van de Leie). D'hoofdplatse van 't Vrije was van bie 't begun de Burg in Brugge.