Vlagge van Azerbeidzjan: verschil tussen versies
Nieuw blad |
(geen verschil)
|
Versie van 4 ogu 2021 15:03
De vlagge van Azerbeidzjan (Azerbeidzjaans: Azərbaycan bayrağı) bestoat uut drie gelyke horizontoale banden, een blauwe, een rôoe en een groene. In de rôoen band stoan een olve moane en een achtpuntige sterre; juste gelik in de vlagge van Turkije.
Symboliek
De kleur'n blauw, groen en rôod word'n veelol geziên voe de pan-Turksche kleuren. De blauwe band stoat voe de Turken (wortoe dad ook d'Azerbeidzjoanen]] zyn) en de wyden Azerbeidzjoansen emel. De rôoe band stoat voe de vrydom van 't land en de êeuwige ontwikkelienge van d'Azerbeidzjaanse culture. De grôenen band symboliseert 't vruchtboare land en verwyst ook noa de profeet'n van dne islam.
D'olve moane is overgepakt uut de vlagge van Turkije. D'achtpuntige sterre verwyst no 't islamitische symbool voe de Rub El Hizb en stoat ook voe d'acht takk'n van de Turksche bevolkienge:
- d'Azerbeidzjoan'n, 't eigentlikke stoatsvolk;
- d' Ottomoannen;
- de Turkmenen;
- d' Oguzen, die ooit êen van de grotste Turksche stamverbandenn woaren. Tegoare me de Kiptsjakk'n (o.a. Koemoan'n), Oeigoern en Karluk'nn vormden ze 't Göktürkn ryk (552-740), da'em van Xinjiang (Ôost-Turkestan) toet de Kaspische Zêe uutstrekte;
- de Koemoanen;
- de Tataren (w.o. de Nogay);
- d' Oezbeken;
- de Kazakken.
Geschiedenisse
Os' t Russische Ryk in 1917 uutêenviel, wierd deur Azerbeidzjan, Armenië en Georgië de Trans-Kaukasische Democratische Federatieve Republiek (TDFR) gesticht. Die stoat wierd in mei 1918 oentboenden, woarachter dat de drie landn oenafhankelik wîedn. De TDFR et in eur kort bestoan gin officiële vlagg'n of emblem'n gebruukt. Der zyn wel historici die an de federoatie een 'orizontoale goed-zwart-rôoe driekleur toekenn'n.[1]