Guldnspoornslag: verschil tussen versies

’t Vlams leger was tussen de 8500 en de 11000 man, woaronder mo 350 te peirde. Doavan moen der tussen de 2600 en 3700 van [[Brugge]] zelve gewist ein, woaronder 350 kruusboogschutters. Dedeze werden angevoerd deur Willem van Gulik. De Bruggeliengen pakten de rechterkant voar under rekenienge. Up de lienkerkant stond er een evengrôoteevengrôte groep van soldoat'n ut Oudenoarde, Olst en Kortrik, me nog ekêe 700 [[Gent]]enoars angevoerd deur Jan Borluut. In ’t midden de mannen van ’t Brugse Vrieje en der was ton oak nog een groep van 500 striders ut [[Ieper]] die der vôren moest zorgen dat er niemand koste utbreken ut kastêel bie Kortrik. Jan van Renesse, die den algemênen anvoerder was, oad oak nog ekêe 500 man in reserve in de twêede linie.