Gert Verheyen es begonn'n als jong gastje bie [[Hoogstraten VV]] ([[1978]] - [[1986]]) en [[Lierse SK]] ([[1986]] - [[1988]]). Doar es't ie ipgemerkt gewist deur de scouts van [[Anderlecht]] en mè vee vertôon getransferereerdgetransfereerd. Ol rap bleek da zinne stijl niet paste bie het spel van Anderlecht, en oloewel dat ie der 4 joarn gebleevn es, eit ie der nôoit de vulle woarderienge gekreegn. In [[1992]] ei 't ie ton veranderd van ploeg en es't ie noo de grôte concurrent Club Brugge gegoan. Doar eit ie êen van de mêest succesvolle periood'n van de ploeg meegemakt, en volgns vele es da in grôte moate an em te dank'n: in de 14 joar dat ie voo Club Brugge gespeeld eit, eit ie 199 goals gemakt. In die periode es't ie 5 kêers landskampioen gewist en eit ie 4 kêers de beker van Belgje gewonn'n. Ip de [[5 meie|5de meie]] [[2006]] es't ie gestopt me voetbolln en sedert ton traint ie de beloft'n va Club Brugge.
Europees eit ie ôok een antal records gebrook'n, zô wos't ie de êeste Belgische speler die 100 Europese match'n eit gespeeld. Doarin eit ie 22 goals gemakt, evenvele als [[Raoul Lambert]].
