Talbot House: verschil tussen versies

Verwijderde inhoud Toegevoegde inhoud

In de regel

Versie van 11 feb 2007 16:07

Talbot House is e vroeger opvangcentrum in Poperienge voe g'allieerde soldoat'n bist'n 'n Êest'n Weireldôorlog. Nu is 't e museum.

"Tubby" Clayton

In '14-'18 legt Poperienge te midd'n in 't froent. D'Iengelsche en d'r een oofdkwartier van emakt. Op 't oogtepunt zin d'r ier 250.000 soldoat'n ekazerneerd. Op 11 december 1915 ist 'er een Iengelschn aalmoezenier, Philip Clayton, die d'r e soldoat'nuus installeert. Omda Clayton nogol wel te passe wos, noemde ze nem Tubby (wuk da tunnetje wilt zeggn in 't Iengels). Tubby Clayton wos oek ni onnôzel: e wos e paster en e wilde de joege soldoat'n die - azze ni moest'n vicht'n - vele tied over add'n voe de joenge moksjes van Poperienge, of de mèsjes van plezier, e deugdelike vorme van ontspannieng geevn. In Talbot House wos 't er gèn verschil tusschen e geweun soldoat en pakweg e generoal. Olleman wos 't er gelik voe de wet.

Achter 'n ôorlog, in 1929, kochte Lord Wakefield van Hythe 't Talbout House. E schoenk et in 1930 an de vzw Talbot House va Poperienge. Dat verkloart oek woarom da Poperinge officieel verbroederd is mè Hythe in Zuud-Iengeland.

Talbot & Toc H

De noame Talbot House komt van Gilbert Talbot, e joegn soldoat die sneuvelde in 1915. Gilbert Talbot wos de joegern broere van Neville Talbot, die oofdaalmoezenier wos in 't leger. Gilbert Talbot stoeg eigentlik symbool voer ol de joenge gast'n die dôod egoan woarn in deezn ôorlog.

Talbot House noemn ze oek wel Toc H (Poperienknoars spreek'n dat uut lik tok ietsj). Toc H is de telegrafische code voe de begunletters van Talbot House. Loater van tied kwaam 't oek de noame van e bewegieng die hêel de moatschappie dichter bie makoar wil briengn - wuk da nunder ofkomste, geloof of ras oek is.

Externe koppelienge

Dit artikel es geschreevn in 't Poperiengs, en da zou best ozô bluuvn.