Ne '''sosisong''' is e sôorte dikke [[worst]] mêestol in e fel oranje-rô plastikvel en gevuld me een red'lyk omogêen mingsel van fyn gemoalen ingrediënt'n.
De diere sort'n zyn gemakt van [[kolf|kolfsvlêes]] of [[zwienzwyn|zwynevlêes]], met [[kruud'n]], e bindmidd'l en zetmêel lyk [[blomme]], amidon, enz... De goekôpe sort'n zyn gebaseerd ip overscheut'n van de vlêesverwerkienge, mêestol de overscheut'n van [[kiek'n]]s en [[kalkoen|kalkoen'n]] woavan dat 't diere borstvlêes en de billen geschêed zyn. Die karkass'n wird'n gemoal'n en bewerkt zôda je zoe peizn dat kolf es.
Mêestol wordt da in fyne scheljes gesneen, en tonne voe [[toespyze]] ip e [[stute]] gegeet'n.
Ne vriendelyk'n beenouwerbêenouwer goat olsan vroagn an zyn joenge klantjes oan ze gêen skelleke of schjelletje moen ein. [[Typische West-Vlamsche utdrukkiengn|Tiene-neegne]] dattie sosisong geeft.
Oewel da in [[VloandrenVloandern]] de Sosisong een simple en goekôop restproduct wa, eit er, onder andre deur den buut'nlands'n invloed lyk de Franske "Saucissons", een hêle reke veredelde en fantesie varioasies ip soamenstellienge en uutzicht ontstoane, lyk sosisong van kiek'n, me [[champiegnjoeng]]s of [[peper]]s, met figuurkes, ...
