{{zieook|''Bie 't artikel [[KSV Waregem]] vien je mêer uutleg over KSV Waregem''}}
KSV Waregem was in 1946 uut de fuusje van ''Waregem Sportief'' (da ol van 1925 bestoend) en ''Red Star Waregem''. De fusieclub slôot em an bie de [[KBVB]] en kreeg stamnummer 4451. Z'addn rood-wit voe kleurn, en speelden in 't [[Regenboogstadion]]. Van 1966 toet 1996 speeldehe ze in de [[Êeste klasse (voetbol België)|Êeste Klasse]], juuste oenderbrook'n deur twi kêern e sizoen in [[Twidde klasse (voetbol België)|Twidde Klasse]]. In 1985/86 addn ze ôok in Europa succes, ton da ze d'oalve finalesfynales van de [[UEFA Cup]] oalden. Z'en ôok e [[Beker van Belgje|Belgische Beker]] en [[Belgische Supercup|Supercup]] ip under erelieste stoan. Ip 't ende van de joaren 90 zakte de ploeg echter were noa Twidde, en in 1999 belandehe ze deur financiëlefynanciële miseerê in [[Vierde klasse (voetbol België)|Vierde Klasse]].
===Zultse VV===
In [[1950]] is in [[Zulte (Oost-Vloandern)|Zulte]] de club ''Zulte Sportief'' ipgericht, dat em aanslôot bie de voetbolbond. De club a' stamnummer 5381. De club fusioneerde in [[1976]] mè ''SK Zulte'' (dat in [[1947]] was ipgericht en stamnummer 4683 ad) toet '''Zultse VV'''. Die fusieclub klom in de joaren 90 ip in de nationoale reeksn. Achter e poar joar BevorderiengeBevorderynge speelde de club van 1995 toet 1997 ol twêe sizoen'n in [[Derde klasse (voetbol België)|Derde Klasse]]. Zultse moest echter iedere kêe een eindronde speeln teegn de degradaasjee. 't Twidde seizoen gerocht'n ze nie deur die eindronde en de club zakte voe twêe sizoen'n were noa Vierde Klasse. In 1999 promoveerde Zultse weerol; 't seizoen derip oalde ze zels d'eindronde, moa de ploeg verloor in e wedstried voe de derde plekke en miste azo nipt de promoosje noa [[Twidde klasse (voetbol België)|Twidde Klasse]].
===Fuusje===
KSV Waregem fusioneerde in [[2001]] mè Zultse VV toet '''SV Zulte-Waregem''', waarbie da ze 't stamnummer van Zultse (5381) blêevn oed'n. 't Stamnummer 4451 van KSV Waregem is tonne definitiefdefynitief heschrapt hewist. De fusieclub verhuusde noa 't Regenboogstadion va Woaregem en gieng van start in [[Derde klasse (voetbol België)|Derde Klasse]], woa da Zultse 't seizoen voddien a gespeeld. Zulte-Waregem speelde doa subiet kampioen in ze reekse. Wat dus nie gelukt was voe Zultse 't joar tevoorn, lukte nu wel voe de fusieclub Zulte-Waregem: e promoosje noa [[Twidde klasse (voetbol België)|Twidde Klasse]]. 't Eerste sizoen dwoeng ze doa sebiet een eindronde of, moa ze werdn doa twiddn in. Twêe sizoen'n loater werd Zulte-Waregem ofgetekend kampioen in Twidde Klasse. Zulte Waregem kost azo noa d'[[Êeste klasse (voetbol België)|Êeste Klasse]] in 2005, voe 'n êeste kêe in de geschiedenisse van 't stamnummer 5381 en 10 joar achter da KSV Waregem was verdween'n uut de oogste reekse. Ip de [[13 meie]] [[2006]] speelde Zulte Waregem in de bekerfinalebekerfynale teegn Moeskroen, woen met 2-1 en pakte zo zn êeste grôte pries.
==Erelieste==
{{zieook|''Bie 't artiekel [[KSV Waregem]] vien je d'erelieste van KSV Waregem''}}
Zulte Woaregem droagt het stamnummer 5381 van 't vroegere Zultse en is dus eigenlikeigenlyk de vôortzettienge van die club. KSV Woaregem speelde met 't stamnummer 4451, da geschrapt is. De fusieclub Zulte Woaregem kan zodus gin anspraoke moak'n ip d'erelieste van 't vroegere KSV Woaregem.
