Guido Depraetere: verschil tussen versies

In 1977 begost Guido Depraetere te werk'n bie de BRT (nu [[VRT]]). Je makte zéére carrière. Êerst wastie prodjoeser bie Omroep Brabant (de radjo), loater prodjoeser van programs liklyk Spel Zoender Grenzen, Hoger Lager en TV Touché.

Os je 'Guido' zegt, zeg je ook 'Mike'. T'hope mè Mike Verdrengh gieng Guido weg bie de BRT om [[VTM]] ip te richten, den eerste commerciezender van bie ons. VTM begost ermee den eerste februoari 1989. Guido Depraetere was nie alleene directeur van de VTM, je presentirde tie ook zelve programs liklyk Klasgenoten en HT&D.

In 1996 trokken Depraetere en Verdrengh d'er van oender bie VTM. Ze woarn ni mè t'akkôord over de programs en over de bespoariengenbespoaryngen. De bestierders ent under beklaagd en Mike e Guido mochten ol een achterportje were binnen (ze wieren 'externe consulenten').

Guido Depraetere leerdege van [[Andries Van den Abeele]] de figeure van [[Baziel]] kennen. Je verteldege in HT&D (e program mè kluchtjes ip VTM) ip 't ende oltiedoltyd n graptjie over Baziel. Baziel was e min of meer brave West-Vlaming, mo gin ol te rappen. De Baziel-klucht'n woaren populair, want e bètje loater maktege Depraetere ook boekstjies over Baziel. Ieder weke stond er azo een tekeningstjie van Baziel met een van z'n kluchtjes in de West-vlamsche gazette. Loater is tie ton nog enigte keeren ipgetreden in theoters mè e hele reke Bazielkluchten.

Ip 't ogenblikogenblyk da Guido vroeg gestorven is van de kanker, was 't er niemand die ook mor één kwoad woord over hem kostege zeggen. Je wastie overol in ol de middens wor datie kwam wree geiren gezien. Je was ook oltiedoltyd stiefstyf Bruggelieng gebleven en je'n aad er nooit an gepeisd van no Brussel te gon weunen. Je gienk liever olle dagen ip en of. Azo was tie nie olleenliksolleenlyks dichte bie 't vrouwtjie en de joengers, mor ook bie zijn vele vriendenvrynden. Olle dunderdage gieng tie een spilletje poker gon spelen, lange joaren in de 'Café du Théatre' en loater in 't 'Zwart Huus'. De zoaterdagnoene was 't bie zijn moaten vo den aperitief. In de laatste joaren van zijn leven gieng 't ie ook geiren gon golven, zowel in Ieper, Damme of elders, mor ook in 't buutenland.