|
'''Nicolaas (Klaas) Zannekin''' (°[[Lampernisse]] (?), [[Kassel]] [[23 ogustus]] 1328) wos e landeigenoare uut de Kuststreke die voerol bekend ekommn is in de [[Boerenopstand]] (1323-1328).
Zannekin is ebôorn in de streke va Lampernisse in de latste decennia van 'n 13stn êeuw. E wos eigenoare va zien landbouwgroend en dus kunn'n we zeggn dat'n redelikredelyk welstellnd wos. We weet'n ni juste woarom, moar op e zeker moment wost'n verbann'n na [[Brugge]].
Toen da ze gebôortestreke [[Kust-Vloandern]] in opstand kwam, kêerde Zannekin - die populair wos bie 't geweune volk - were na Lampernisse. Zannekin adde e speciale posiesje: e wos pôorter van Brugge en eigenoare in Lampernisse. Da makte va nem e schoakel tussen 't steej en 't platteland.
== De opstand teegn Lodewijk XI van Névers ==
De reed'n van de opstand va Kust-Vloandern tegen Lodewijk XI van Névers, graaf van Vloandern e leenman van de keunienk va [[VrankriekVrankryk]], is redelikredelyk ingewikkeld. Voe de Bruggeliengn wos 't zuver polletiek. Ze woarn benauwd da Lodewijk nunder stadsprivileges gienk vermiendern. Oek de slichte economie speelt e rolle. In 1316 wos 't er een oengersnôod ewist, en de joarn die d'rop volgden woarn ol ni vele beter. Telt doabie nog ekè 't [[Verdrag van Athis-sur-Orge]] (1305) mè ze zwoare last'n voe Vloandern; voerol voelboar voe de midd'nklasse.
== De Slag bie Kassel ==
Zannekin adde utendelikutendelyk roend de 15.000 man verzoameld. Ze leger krêeg de noame "Keirels". 'n Bekendstn wos Zeger Janszoone. De mêeste Keirels woarn afkomstig uut de Kasselrijen Veurne, Sint-Winoksbergen, Bourbourg, Kassel en Belle. Op 23 ogustus 1328 vochte dat leger tegen 't Fransche leger an de voet van 'n [[Kasselberg]]. De Keunienk wos benauwd voer e twèdd'n [[Guld'nspoornslag|Guld'nspôornslag]]. Doarom wos ze leger deze kèr vele sterker: 2500 zwoar gewoapende ridders en 12.000 man lichte infanterie.
Achter dien Slag kwam de arde repressje op gank: hêelder drop'n roend [[Riesel]] en Kassel woarn uutemôord op bevel van 'n keunienk va VrankriekVrankryk.
== E Vlamschn vôorvechter? ==
Sedert Conscience en andere schriversschryvers uut 'n 19stn êeuw, is de figure van Zannekin geromantiseerd en lichteliklichtelyk anders bekeekn. Da wil't ni zeggn dan d'r absoluut gèn Vlams-nationalistische reed'ns woarn woarom da de Boerenopstand gebeurde. Moa 't wos voerol toch sociaal-polletiek, amme de kroniekschrieverskroniekschryvers toet diepe in 'n 18stn êeuw meugn geloovn.
== Zannekin in de literatuur ==
| 