Manilln: verschil tussen versies
Verwijderde inhoud Toegevoegde inhoud
Opgelet: de "Y"-bot corrigeert ook namen van Afbeeldingen waardoor die plots niet meer te vinden zijn in de database. |
|||
Regel 21:
== De regels ==
De dêler meugt troef moak'n. A je vele ert'ns et, zeg je ton: "Ert'ns troef!". Pas nu meugt de moat van de dêler z'n eign kart'n bekyk'n.
Peist êen van de spelers van de teegnparty: 'dat is e goein troef', ton meug 'n klopp'n (of "meegoan"): vanaf toen telln de punt'n dubbel. De tegenparty meugt oek tegenklopp'n: toen telln de punt'n vierdubbel.
D'n êesten speler (die lienks zit van de dêler) komt uut mè e karte: 't is gelyk va wuffer sôorte. Ol d'ander spelers moet'n nu volgn. Ze moet'n dus dezelfde sôorte op tafel smyt'n lyk woamèi datter is uutgekomn.
Ku j'ni volgn? Ton moe je koop'n. Koop'n kud ollêne mèt e troefkarte. E troef is mêer weird dan gelyk wuffer andere sôorte: e troef van ert'n zeven is dus sterker dan e manille van pykens.
Je meugt nie oenderkoop'n (of oendertroev'n). Dat is e troef smyt'n die lêger is dan de troef die ol op toafel legt. Tenzy da j'ni anders kut.
Wie dat e slag ku binnoaln meugt uutkomn. En da goat azo deure toet an ol de kart'n op zyn.
Regel 34:
An ol de kart'n op zyn, moe j'de punt'n telln. Van dat totoal trek je 30 punt'n of. En de rèste schryf je op e bladje. Mêestol is dat in 2 kolomn mè vaboovn e "W" en e "Z" (wyder/zyder). E vôorbeeld: pakt dat de punteweirde van ol je kart'n 42 is. Je trekt er 30 van of: toen e je 12 punt'n gemakt.
Kom je in de telling 30-30 uut, ton is 't "plat": niemand makt e punt (sommigte spelers speeln toe voe dubbel punt'n in 't volgend spel, moa dat is nie algemêen).
Je speelt toet dat er e duo 101 punt'n oalt. (In de streke van Brugge speel'n ze oltyd 12 dêlen in e party).
A je troef makt, meug je oek zegn "ne muul!" of " 'k goa zoender". Dat wil zeggn dat er gèn troef is. Ton telln de punt'n dubbel. Mêestol zeg je "muul" a je e styve goe karte et, moa at er gèn sôorte is die domineert.
Soms zegt de dêler oek "blend'n muul". Toen et'n ze kart'n nog ni ezien. De punt'n telln toe vierdubbel. Da gebeurt mêestol a je in de punt'n verre achter stoat, moa 't is nie styf geapprecieerd deur 'echte' karters.
| |||