Westvlams Gemiengeld Vintekoor: verschil tussen versies

't '''Westvlams Gemiengeld Vintekoor''' is e [[Belgje|Belgische]] [[koor|zanggroep]] uut de provinsje [[West-Vloandern]]. In de groep zitt'n der 14 [[zanger]]s en artistiek directeur Johan Catteeuw, en ze bestoan al sichtend 't joar [[2000]]. Typisch voe de groep is da ze alêne moa in 't dialect uut de provinsje ziengn: 't [[West-Vlams]]. Muzikoal gezien zien under nummers [[cover]]s va bekende nationoale en internationoale hits, woa da ze ulder eigen West-Vlamse tekst'n èn ipgeplakt. De tekst'n geevn mêestol kritiek ip diengn van olledoage, moa wel humoristisch ipgevat.

 

 

Ip diene êeste cd stoen der veel oedere nummerkes die de groep at kunn moaken in ipdracht van vele regionale initiatievn. Nummers lyk "''Filmacteur''" woaren gemakt in ipdracht van [[Radio 2]] en werdn êest live gezoeng in de [[cinema]] De KeYzer in [[Lichtervelde]]. 't Nummer "''Me gon olteit in West-Vloandern bluven weunen''" is ôok ip vroage van Radio 2 live gespeeld, in de [[Roeseloare|Roeseloarse]] [[Reo-veilienge]]. Nummers lyk "''Ruus buus buus''" (gebaseerd ip en [[Sint-Moarten]]sliedje), "''A mo toet gie''" en een eerbetôon an de [[Fransmans]] "''Les godverdommes sont là''" pastige ollemoale bie de gemêente [[Kookloare]] en zien gemakt in soamnwerkienge met de gemêentelyke culturele road. Voe [[voetbol]]clubs [[VK Koekelare]] zoengn ze de nummers "''Voruut met die bolle''" en "''Boenke boenke''", en voe 't kampioenschap van [[Cercle Brugge]] mocht'n ze "''De Cercle is kampioen''" ziengn.