Lernout en Hauspie: verschil tussen versies

'''Jo Lernout''' en '''Paul Hauspie''' zin in 1987 begun med e bedrivetje die sproaktechnologie oentwikkelde, '''L&H'''. Paul Hauspie wos e boekouder, Lernaut verkocht computers. Z' a'n olletwêe de visie da computers te bedien'n moesten zin met de stemme. In 't begun oaln ze ol 't geld da ze nôdig an up bie de platselyke minstand. Roend '95 zin ze noa de [[Amerikoansche]] technologiebeurze [[NASDAQ]] egoan. Omdatter e masse over ekoet is en olles styf schône voornesteld wos, schoot'nschootn nunder andêeln lyk een rakette omoge. Ze woarn oek esteund tot in de ogste kryngn: Prins Filip e Flanders Language Valley oopn edoan up 11 november 1999, tope met'nmetn êest'nêestn minister [[Verhofstadt]] en koamervôorzitter [[Herman De Croo]]. [[Jean-Luc Dehaene]] zat in nundern Road van Bestuur. In 2000 ister en ende ekomn an 't schôon liedje, toen da de [[Wall Street Journal]] en artikel publiceerde over fraudepraktiken in de [[Zud-Koreaanse]] afdêlinge van L&H (ze steldn nunder winstciefers schonder voorn dan dasse woarn). Van toene vors is de beurswoarde van 450 miljard frank (up 't ogtepunt) esmookn lyk snêeuw. Upn 24sn oktober van 2001 zin ze failliet verkloard deur n' Yperschn andelsrechtbank.

L&H makte dus technologie die bedienienge van computers me sproake meugelyk moeste moaken. Je ku da oenderverdêeln in 4 categoriejn: Sproakcompresche, sproaksynthese, vertoalsoftware en sproakverkennienge. Êen product da ze verkocht'nverkochtn, wos Voice Xpress. Êen van de goed-nieuwsshows van L&H wos da ze e soamenwerkinge an me [[Microsoft]]: in september 1997 e Microsoft en andêel van 16% gekocht van L&H, voen e somme va 45 miljoe dollar. Loater wrocht'nwrochtn z'oek tope voe specifieke product'nproductn.

Me 't verlies van ol 't geld van menschn uut de streke, en der vele menschn slicht evoarn. up 't ogtepunt van 't bedrif, wuldn ze en echte [[Flanders Language Valley]] in Yper (e bitje lyk ''[[Silicon Valley]]''). 't Is e grôte industriezone voe nieuwe technologiejn ebouwd in Yper (in de vorme van 't binste van en ôre). L&H et e momentje in 't ôofdgebouw ezeet'nezeetn, mor achter 't faillisement zijn de mêeste bedrivn e bitje met e kêe wegegoan.

Belangrik is da Lernout en Hauspie e grôot'ngrôotn drôom an, e bitje geld, styf vele courage en gin ervoaring. (anvuln)

<br>Ze begist'nbegistn 'n boel med e computerprogrammatje da an poar wôordjes koste erkennen van an hêel dudelykn spreker.

#Sproakerkenning is gemakkelyk voer e demootje in laboratoriumcondisjes, moa verschrikkelyk moeilyk om et te doen marcheern met ondudelyke sprekers,en in en omgevieng woar datter oek andere sprekers en lawoai zin. En toen klappen we nog niet van de minschen lyk de West-Vloamingen die 'n elft van nunder letters opeet'nopeetn, of de Aziaten woar da oek de toanôogte de betêkenisse van 't wôord bepoalt.

Omdat ze de kosten serieus onderschat an, en mêer en mêer geld nodig an, moest'nmoestn ze e tandje biesteken.