Apocalyps: verschil tussen versies

Verwijderde inhoud Toegevoegde inhoud
Filibertus (discuusjeblad | bydroagn)
Apocalyps
 
D-rex (discuusjeblad | bydroagn)
k wa links
Regel 1:
'''Apocalyps''' is Grieks vor openboarienge. 't Is et latste boek van den [[bybel]] da geschrev'n is deur [[Johannes]] die der een antal vizioenen in beschryft over 't ende van de wèèreld en de komst van 't Ryk Gods[[God]]s.
 
==Inoed==
In zun èèste vizieon ziet Johannes [[Jezus van Nazareth|Jezus Christus]]: Zun oofd en zun oar zyn wit lik snèèuwwitte wulle, der komt vier uut zun ogen en in zun rechternand eet ie zev'n sterr'n. Uut zun moend komt ter een scherp zwèèrd. Je zegt an Johannes dat ie olles ip moe schryven vor et an de zeven kerk'n van Klèèn-Azie over te brieng'n.
Ton ziet ie God zitten ip een troane med in zun rechternand een boek me zeven zegels wodan de ge'eime plann'n vo wa dat ter me de wèèreld go gebeur'n instoan. De Lèèuw van [[Juda]], die eigenlik et [[Lam Gods]] is, een Lam me zeven oor'ns en zeven ogen, kud ols èènigsten de zegels verbrek'n. Os et lam de zegels begint te verbrek'n verschyn'n de vier ruuters die doad en verderf bring'n. Os et vuufde zegel verbrok'n wordt verschyn'n de zielen van de menschen die vermoord zyn omdan ze 't woard van God verkoendigd en. Os et zesde zegel verbrok'n wordt, wordt de wèèreld verwoest ols tèk'n da de groate dag van Gods woede gekom'n is. Tuss'ndeure veschyn'n der ton ook nog 144.000 dienstknecht'n van God die een zegel ip under voroofd gedrukt kriegen. Os de zevenste zegel verbrok'n wordt verschyn'n der zeven iengels me bazuunen womee dan ze elk ip toer enorme verschrikkingen afroepen.
Dorachter verschynt er een vrouwe die met de zunne geklèèd is die angevollen wordt deur een groate, vierro'on drake. Ton gebeurt ter nog vanolles me verschrikkelikke bèèsten die stoan vo de anti-christ, de zeven plagen, d'oere van Babylon en utendelik de stryd tussen de duvels en de legers van den emel. Satan wordt utendelik gevang'n vor em achter dust joar were vry te loaten worachter dat ie ton in een poele van vier en zwoavel gesmet'n wordt wodat ie vor oltyd, dag en nacht gepynigd wordt.
In de latste oofdstikken wordt een nieuwen emel, een nieuwe èèrde en een nieuw [[Zeruzalem]] beloofd.
 
==Invloed==
Et boek Apocalyps eet oltyd hèèl sterk angesprok'n bie vele menschen die verwachtigen da 't ende van de tyden olle momente kost gebeuren. Ook in onze tyden zyn der menschen die de vele orlogen zien ols een teken van Apocalyps. De menschen trekk'n der under ton ook an ip da achter de verschrikkingen van onzen edendaagsen tyd der een duust-joarig Ryk komt van vrede, overvloed en geluk.
In de symbolische betèkenisse stoat Apocalyps vo doad en vernietigienge, bvb. in de titel van de film van [[Francis Ford Coppola]] ''Apocalypse Now'' of et spel ip [[Playstation]] ''Apocalypse''.
 
[[Categorie: Christndom]]