De Vorstinnen van Brugge

Dat artikel ier is nog moa e klêen begun. Ge zyt g'inviteerd vôor ip bewerkn te klikkn vo mêer encyclopedische kennisse toe te voegn.

Dit artikel zou beter herschreevn zyn in 't Brugs.

---

De Vorstinnen van Brugge was e reekse ip de BRT die uut 13 deêln bestond. 't Verhoal is gebaseerd ip de vertelliengen van Maurits Sabbe: Het kwartet der Jacobijnen, De nood der Bariseeles, Caritate en Een mei van vroomheid. De bewerkienge vo TV wer gedoan deur Maurits Balfoort. In De Vorstinnen van Brugge stoat de bevolkienge van Brugge van 1894 toe an 1923 centroal, van de klêene en grôote burgerye toe 't werkvolk. 'tgeen dat ze ollemolle gemêenschappelik en is e soortement van preusheid en oogartigheid da zelfst van de geweune werkvrouwn e vorstinnen zoe maakn. De reekse wer vo 't êest uutgezoenn in oktober 1972. 't Was in dienen tyd nog volledig in 't zwart/wit te doên en d'acteurs klaptegen ollemolle ABN met uutzoenderienge van Willy Lustenhouwer die af en toe e woordje Brugs dertussn mochte placeern. Begun 2004 en ze nog e ki olle afleeveriengn eroald ip de VRT.

Verhoal

Edgar Onghenae is e wever uut Gent die doa buutngesmeetn is gewist ip zyn werk omdat ie tevele boel zochte me zyn boazn. In Brugge goat ie in dienste by Theo Van Waefelghem, e kleene industrieel met ambitieje. Theo beweegt em in de beetre Brugse burgery tope me zyn vrowwe. Van Waefelghem ed ôok nog e broere Adelin genaamd, die nie hêlegans goe was in zyn kop ma toch getrowd was me Marie-Louise. Andere belangryke figeurn in 't verhoal zyn de kunstzinnige en aristocratische dokteur Spilliaert en zyn snelle dochter Ida, en e leeroare uut 't atheneum Jan Neys.

Edgar Onghenae eurt em e koamer by den erbergier Ward Bariseele. Doa leert ie Stientje, de dochter van den erbergier zyn broere Fons, die zyn vrowwe verloorn adde moa nog 2 zeuns ad: Jean-Baptiste en Monne. Diene latste was e bitje achterlik en d'apothekersklerke Quickelborne ad em oender zijn oarm genoomn. Edgar goat uutendelik met zyn ideeën vo serieus wa spillement zorgn in Brugge.

Acteurs

Jo De Meyere (Edgar Onghenae)

Johan Van der Bracht (Theo Van Waefelghem)

Ann Petersen (de vrowwe van Theo)

Jan Pauwels (Adelin Van Waefelghem)

Marilou Mermans (Marie-Louise Van Waefelghem)

Albert Hanssens (Spilliaert)

Dora Van der Groen (Ida Spilliaert)

Domien De Gruyter (Jan Neys)

Rik De Coene (Ward Bariseele)

Carmen Jonckheere (Stientje Bariseele)

Gerard Vermeersch (Fons Bariseele)

Jan Vermeersch (Jean-Baptiste Bariseele)

Geert Lommée (Monne)

Luc Philips (Quickelborne)

Willy Lustenhouwer (dienstbode Lapouter)