Kastêel van Tillegem: verschil tussen versies

Verwijderde inhoud Toegevoegde inhoud
Meuzel (discuusjeblad | bydroagn)
Geen bewerkingssamenvatting
Endriek (discuusjeblad | bydroagn)
Geen bewerkingssamenvatting
Regel 9:
't Is al gekend da Tillegem bie't begun van de dertienden êeuwe dêel uutmakte van de bezittiengn van t'us van [[Vormezêle|Voormezele]]. D'oedst gekenden hêer van Tillegem was Doanevest, nen telg uut et oadelik uus van Voormezele.
 
De name Tillegem zoe kommn van 'het heem by de tille' (tille wil zeggen brug). Tillegem is dus de versterkte platse by de brugge over de beke (de Kerkebeke).
 
D'êeste versterkte plekke wos nie up dezelfde plekke of 't kastêel nu. Oengeveer 200 meters in 't zuudoosten van 't kastêel is 't er e mote: 'n upgôogde plekke me 2 cirkelvormige grachten roend, vele dichtre by de Kerkebeke. Ier stoend verzekers d' houten omwallinge, die de brugge bewakte. Moa vo den anleg van den [[A17]] ([[E403]]) is 'n dêel van de mote ofgegraven. Up 'n têekninge uut [[1573]] is ze duudlik zichtboar.
 
D'er is nie geweten wannêer dat er 'n woaterburcht in stêen gekommn is. D' oedste ofbeeldinge is gevoenden up e miniateur in e 16e êeuws getydenboek. Je ziet doarup e vieroekig gebouw met oektorren en e zwoare torre by de toegangspôorte.
 
Sedert 1980 is de provinsje eigenoare van 't kastêel. Nu doet 't dienst vo "Streekhuis" van de provinsje. Oender andre 't Regionaal Landschap Houtland is 't er gevestigd.
[[Categorie: Middelêeuwen]]
[[Categorie: Brugge]]