[[Ofbeeldienge:Landvoogden Albrecht en Isabella van Oostenrijk.jpg|thumb|left|D'eirtsertoogn Albrecht en Isabella deur Rubens geschilderd.]]
OmVoe van die probleemstreek'n of te geroak'n, goaft y ze an zyn dochter, de infanta Isabella, en eurn vint, ertog [[Albrecht van Oostenrijk]]. D'ofsproake wos dan ze zyder onofankelyk over de [[Spoansche Nederland'n]] mocht'n regeern. Moa mocht'n ze zyder gin joenges en krygn, toen zoud'n de Zudelyke Nederland'n direct were keern na de Spoansche krone (wuk da in 1621 ookwok gebeurd es).
De eirtsertoogn [[Albrecht en Isabella]] (reg. 1598 - 1621) wist'n da de bevolkienge den oorloge meermjir dan beu wos, en ze probeerd'n ol gauwe vrede te sluutslut'n mei d'upstandige [[Noordelyke Nederland'n]]. Want d'Ollanders liet'n genoeg ziene dan ze nog oessan van plan woarn omvoe de Zudelyke Nederland'n te bevryen van de Spanjoard'n.
D'Ollanders zoagn da voorstel lyk en teek'n van zwakte van de twee landvoogd'n. Ze zoat'n ookwok constant geploagd mei koapers die under scheep'n roofd'n. Die koapers opereerd'n surtout vanuut de Vlamsche oavnsteed'n [[Duunkerke]] en [[Nieuwpôort|Nieuwpoorte]]. En d'Ollanders, die den oorloge ook meer dan moe woarn, peinsd'n dan ze nu en kanse kreegn om de Spoansche bezetters voo goed buut'n te kuuschn uut de [[Lege Land'n]]. Ip 20 mei 1600 besloot'n d'Ollandsche [[Staten-Generaal]] omvoe [[Vloandern]] vanuut de zee an te volln. Ze vroegn an prins [[Maurits van Oranje]] omvoe 't Stoatenleger an te voern.
