Zêeuws-Vloandern: verschil tussen versies

 

't Is een belangryk gebied voor 't [[kanoal van Gent no Terneuzn]]. Ten westn van de [[Braakman]], mor ook in de oostelyke platsn Terneuzn, [[Axel]] en [[Zaamslag]] zyn de mèeste inweuners [[protestant]], dikwels afstammeliengn van West-Vlamsche protestantn die ier in de 17e êeuw zyn kommn weunn. Mo d'r weunen ook elders veel menschn mee 'n Vlamschen achtergroend istorie. 't Is surtout een gebied voe boern. In Filepinne kommn veel Vlamiengn mussels eetn. In Sluus en Axel kommn ze voe te shoppen. Terneuzn en Ulst trekk'n veel Vlamsche dagsjestoeriestn. Deurda veel protestantn trouwdigden mee andre protestantn van "over 't woater", is de tale van Zêeuws-Vloandern nu teegnwoordig voe 't grotste dèel Zêeuws, mor wel styf bejinvloed deur 't West-Vlams, veuroal mor nie ollêne, in Sluus en wyde oemgevieng.

Ol vanaf 1828 is Zêeuws-Vloandern mee de rest van Zèeland verboendn gewist deur veerboten. Vanaf 1866 at de Provinsje Zèeland 'n geregelde dienst mee raderboten en stoomboten. In 1958 kregen de stoomboten deur junder namen de bekende lapname "prinsesseboten". Oewel de Ollandsche regering en de Zêeuwsche Staten in 1945 beloofd aan om de veerboten teminste voe Zêeuws-Vlamiengn graties te maak'n, gienk 't abonnement assan mor dierder worden. In 1958 dreigde de aksiegroep "Vrije Veren" (="Gratiese Veerboten") zêfs mee de afscheidienge van Olland en anslutienge bie Belgje os de veren nie were graties zoen worden. 't Was den èerste en veurlopig ènigste ki da de inweuners van Zêeuws-Vloandern dor serjeus mee dreigden. De pryzn zyn later pertank toch were veroogd. In 2003 zien de bootverbindiengn voe ottoos afgeschaft achter de openienge van de Westerschelde-tunèl. Ienkel ip de verbindienge tusschn [[Vlissingn]] en Bresjes bluuft er 'n veerboot voarn, allène nog voe vieloos en voetgangers, en uutgeboat deur Veolia Transport Fast Ferries.

 

* Boasjûh.

* Leutig ih

* nie prossen

 

 

 

[[Categorie:Zêeland]]