Zêeuws-Vloandern: verschil tussen versies

'''Zêeuws-Vloandern''' is nu e stik van [[Olland]], in de provincie [[Zeeland|Zêeland]], dat teegn [[Belgje]] ligt. Sedert de gemêentelikke erindêlienge van 2003 bestoat 't nog uut drie gemêentn: [[Sluus]], [[Terneuzn]] en [[Ulst]]. Tot vôor het joar 1600 was Zêeuws-Vloandern geweune een dêel van Vloandern dan d' Ollanders ein bluuvn bezettn tot de Franse revolutie. Tussen 1794 en 1815 moakte het dêel uut van Ôost- of West-Vloandern (Sluus, Kezand, Bresjes). Zêeuws-Vloandern is 't ênigste dêel van Zêeland da nie an minstens drie kantn an woater grenst.

 

 

Ol vanaf 1828 is Zêeuws-Vloandern mee de rest van Zèeland verboendn gewist deur veerboten. Vanaf 1866 at de Provinsje Zèeland 'n geregelde dienst mee raderboten en stoomboten. In 1958 kregen de stoomboten deur junder namen de bekende lapname "prinsesseboten". Oewel de Ollandsche regering en de Zêeuwsche Staten in 1945 beloofd aan om de veerboten teminste voe Zêeuws-Vlamiengn graties te maak'n, gienk 't abonnement assan mor dierder worden. In 1958 dreigde de aksiegroep "Vrije Veren" (="Gratiese Veerboten") zêfs mee de afscheidienge van Olland en anslutienge bie Belgje os de veren nie were graties zoen worden. 't Was den èerste en veurlopig ènigste ki da de inweuners van Zêeuws-Vloandern dor serjeus mee dreigden. De pryzn zyn later pertank toch were veroogd. In 2003 zien de bootverbindiengn voe ottoos afgeschaft achter de openienge van de Westerschelde-tunèl. Ienkel ip de verbindienge tusschn [[Vlissingn]] en Bresjes bluuft er 'n veerboot voarn, allène nog voe vieloos en voetgangers, en uutgeboat deur Veolia Transport Fast Ferries.